A|Percepziun e reflexiun

1. Las scolaras ed ils scolars san percepir e ponderar connexs creativs e tecnics vi d'objects.

B|Communicaziun e documentaziun

1. Las scolaras ed ils scolars san giuditgar e sviluppar vinavant process da creaziun resp. da design e products.

2. Las scolaras ed ils scolars san documentar e preschentar vinavant process da creaziun resp. da design e products.

A|Process da creaziun resp. da design

1. Las scolaras ed ils scolars san chapir ina lezia u in pensum creativ e tecnic e rimnar latiers ideas ed infurmaziuns, las ordinar e valitar.

2. Las scolaras ed ils scolars fan experiments e san sviluppar da quels atgnas ideas da products.

3. Las scolaras ed ils scolars san planisar e stgaffir products creativs e tecnics.

B|Funcziun e construcziun

1. Las scolaras ed ils scolars san chapir funcziuns e sviluppar atgnas construcziuns en ils champs tematics gieu/temp liber, moda/vestgadira, construcziun/sectur d'abitar, mecanica/transport ed electricitad/energia.

C|Elements creativs

1. Las scolaras ed ils scolars san applitgar intenziunadamain ils elements creativs material, surfatscha, furma e colur.

D|Procedura

1. Las scolaras ed ils scolars san exequir ed applitgar intenziunadamain proceduras manualas.

E|Material, iseglia e maschinas

1. Las scolaras ed ils scolars enconuschan materialias, iseglia e maschinas e san duvrar quellas a moda adequata.

A|Cultura ed istorgia

1. Las scolaras ed ils scolars san identifitgar objects sco expressiun da differentas culturas ed epocas ed interpretar lur cuntegn simbolic (dals champs tematics gieu/temp liber, moda/vestgadira, construcziun/sectur d'abitar, mecanica/transport, energia/electricitad).

2. Las scolaras ed ils scolars san chapir svilups tecnics e manuals e valitar lur impurtanza per il mintgadi.

B|Senn per design e tecnica

1. Las scolaras ed ils scolars san renconuscher connexs economics, ecologics e socials tar la cumpra e l'utilisaziun d'objects.

2. Las scolaras ed ils scolars enconuschan la fabricaziun e la dismessa correcta da materialias e san motivar lur utilisaziun.

3. Las scolaras ed ils scolars san cumparegliar la fabricaziun a maun ed industriala.

4. Las scolaras ed ils scolars san metter en funcziun apparats e products tecnics dal mintgadi e s'acquistar la savida correspundenta or d'instrucziuns da diever, plans da montascha e da l'internet.