1 | Identitad, corp, sanadad - s'enconuscher ed avair quità da sasez

1. Las scolaras ed ils scolars san scuvrir e descriver sasezs ed auters.

2. Las scolaras ed ils scolars san surpigliar cunresponsabladad per lur sanadad e per lur bainesser e san sa proteger cunter privels.

3. Las scolaras ed ils scolars san identifitgar ed explitgar connexs da nutriment e bainesser.

4. Las scolaras ed ils scolars san descriver la constituziun da l'agen corp e declerar las funcziuns da tscherts organs.

5. Las scolaras ed ils scolars san percepir e chapir la creschientscha ed il svilup dal corp uman.

6. Las scolaras ed ils scolars san reflectar davart schlattaina e rollas.

2 | Explorar e mantegnair animals, plantas e spazis da viver

1. Las scolaras ed ils scolars san explorar e documentar animals e plantas en lur spazis da viver sco era descriver la cumbinaziun.

2. Las scolaras ed ils scolars san identifitgar l'impurtanza da sulegl, aria, aua, terren e crappa per creatiras, reflectar davart quell'impurtanza e declerar connexs.

3. Las scolaras ed ils scolars san observar e cumparegliar, co che animals e plantas creschan, sa sviluppan e sa reproduceschan.

4. Las scolaras ed ils scolars san distinguer la diversitad da las spezias da plantas e d'animals e categorisar quellas.

5. Las scolaras ed ils scolars san sviluppar ideas ed imaginaziuns davart l'istorgia da la terra ed il svilup da plantas, animals ed umans.

6. Las scolaras ed ils scolars san giuditgar las influenzas da l'uman sin la natira e reflectar davart in svilup persistent.

3 | Descriver, examinar e duvrar materias, energia e moviments

1. Las scolaras ed ils scolars san descriver ed ordinar experientschas cun moviments e forzas.

2. Las scolaras ed ils scolars san realisar e descriver l'impurtanza da l'energia e da la transfurmaziun d'energia en il mintgadi ed agir a moda reflectada.

3. Las scolaras ed ils scolars san percepir, analisar ed ordinar substanzas en il mintgadi ed en conturns natirals.

4. Las scolaras ed ils scolars san elavurar, midar e far diever da substanzas.

4 | Perscrutar e declerar fenomens da la natira viva e morta

1. Las scolaras ed ils scolars san percorscher, cumparegliar e declerar signals, senns e prestaziuns dals senns.

2. Las scolaras ed ils scolars san cumparegliar e perscrutar fenomens acustics.

3. Las scolaras ed ils scolars san identifitgar e perscrutar fenomens optics.

4. Las scolaras ed ils scolars san observar fenomens da l'aura, s'infurmar davart eveniments da la natira sco era declerar fenomens e fatgs correspundents.

5. Las scolaras ed ils scolars san percepir, descriver e declerar fenomens da la terra e moviments d'asters e da stailas.

5 | Perscrutar, giuditgar ed applitgar svilups tecnics e realisaziuns

1. Las scolaras ed ils scolars san analisar e construir suenter urdains dal mintgadi ed apparats tecnics.

2. Las scolaras ed ils scolars san analisar fenomens electrics e magnetics sco era lur applicaziuns tecnicas.

3. Las scolaras ed ils scolars san valitar impurtanza e consequenzas da svilups tecnics per l'uman e l'ambient.

6 | Lavur, producziun e consum - s'occupar da situaziuns respectivas

1. Las scolaras ed ils scolars san explorar differentas furmas da lavur e plazzas da lavur.

2. Las scolaras ed ils scolars san explorar munds professiunals e descriver professiuns tenor criteris specifics.

3. Las scolaras ed ils scolars san descriver, co che rauba vegn producida e transportada.

4. Las scolaras ed ils scolars san examinar relaziuns da barat e distinguer reglas economicas simplas.

5. Las scolaras ed ils scolars san percepir cundiziuns generalas dal consum sco era reflectar davart l'utilisaziun da rauba.

7 | Perscrutar e cumparegliar modas da viver e spazis da viver d'umans

1. Las scolaras ed ils scolars san descriver differentas modas da viver ed identifitgar tge che la derivanza e l'appartegnientscha importan als umans.

2. Las scolaras ed ils scolars san descriver, cumparegliar e sviluppar visiuns davart las modas da viver d'umans en regiuns dal mund lontanas.

3. Las scolaras ed ils scolars san explorar furmas da l'esser per via d'umans, da rauba e da novitads sco era stimar il niz e las consequenzas da l'esser per via per l'uman e l'ambient.

4. Las scolaras ed ils scolars san percepir connexs e dependenzas tranter modas da viver e spazis da viver d'umans, giuditgar tals ed ordinar sasezs sco part d'in da quels munds.

8 | Umans nizzegian spazis - s'orientar e gidar a concepir

1. Las scolaras ed ils scolars san percepir, descriver ed ordinar caracteristicas, structuras e situaziuns localas da l'ambient natiral e construì.

2. Las scolaras ed ils scolars san s'occupar da las differentas utilisaziuns da spazis entras l'uman, cumparegliar e giuditgar quellas e reflectar davart relaziuns d'umans cun spazis.

3. Las scolaras ed ils scolars san identifitgar midadas en spazis, reflectar davart consequenzas da midadas e davart la concepziun futura ed il svilup.

4. Las scolaras ed ils scolars san chattar elements e caracteristicas da spazis en meds da preschentaziun sco era stgaffir ed applitgar rasters d'orientaziun che sa refereschan al spazi.

5. Las scolaras ed ils scolars san s'orientar, sa mover en lur ambient pli stretg e pli vast e trair a niz ed applitgar en quest connex meds d'orientaziun.

9 | Chapir il temp, la durada e la midada - distinguer istorgia ed istorgias

1. Las scolaras ed ils scolars san sa far e duvrar correctamain concepziuns dal temp, chapir e duvrar temp sco concept sco era applitgar il radi da temp.

2. Las scolaras ed ils scolars san s'occupar da durada e midada tar sasezs sco era en l'agen mund da viver ed ambient.

3. Las scolaras ed ils scolars san chapir co che l'istorgia vegn reconstruida or dal passà.

4. Las scolaras ed ils scolars san far la differenza tranter istorgia ed istorgias.

10 | Cuminanza e societad - concepir la convivenza e s'engaschar

1. Las scolaras ed ils scolars san mussar interess per auters e gidar a concepir la cuminanza.

2. Las scolaras ed ils scolars san tgirar amicizias e relaziuns e reflectar davart talas.

3. Las scolaras ed ils scolars san chapir funcziuns fundamentalas d'instituziuns publicas.

4. Las scolaras ed ils scolars san chapir la relaziun da pussanza e dretg en il temp preschent ed en il temp passà.

5. Las scolaras ed ils scolars san formular agens giavischs sco era identifitgar process politics.

11 | Explorar e reflectar davart experientschas fundamentalas, valurs e normas

1. Las scolaras ed ils scolars san descriver e reflectar davart experientschas fundamentalas umanas.

2. Las scolaras ed ils scolars san tschentar dumondas filosoficas e reflectar davart talas.

3. Las scolaras ed ils scolars san declerar, examinar e represchentar valurs e normas.

4. Las scolaras ed ils scolars san metter en dumonda e giuditgar eticamain situaziuns ed acziuns e represchentar a moda fundada puntgs da vista.

12 | Scuntrar religiuns e vistas dal mund

1. Las scolaras ed ils scolars san percepir fastizs religius en lur conturns ed en il mintgadi e s'occupar da tals.

2. Las scolaras ed ils scolars san explitgar cuntegn, furma linguistica e diever da texts religius.

3. Las scolaras ed ils scolars san descriver pratica religiusa en il context profan da viver.

4. Las scolaras ed ils scolars san caracterisar tradiziuns da festas.

5. Las scolaras ed ils scolars san s'orientar en la diversitad da tradiziuns e d'ideologias religiusas ed inscuntrar cun respect differentas persvasiuns.