A|Abilitads da basa

1. Las scolaras ed ils scolars san percepir, ordinar e cumparegliar tuns, silbas, ramurs, suns e vuschs. Els san activar ed engrondir lur stgazi da pleds receptiv.

B|Chapir texts monologics

1. Las scolaras ed ils scolars san prender ora infurmaziuns da texts auditivs.

C|Chapir texts dialogics

1. Las scolaras ed ils scolars san suandar discurs e mussar lur attenziun.

D|Reflexiun davart il cumportament da tadlar

1. Las scolaras ed ils scolars san reflectar lur cumportament ed interess da tadlar.

A|Abilitads da basa

1. Las scolaras ed ils scolars disponan da las abilitads da basa dal leger. Els san activar ed engrondir lur stgazi da pleds receptiv per chapir pli spert il legì.

B|Chapir texts da diever

1. Las scolaras ed ils scolars san prender ora infurmaziuns da texts da diever.

C|Chapir texts litterars

1. Las scolaras ed ils scolars san leger e chapir texts litterars.

D|Reflexiun davart il cumportament da leger

1. Las scolaras ed ils scolars san reflectar lur cumportament ed interess da leger.

A|Abilitads da basa

1. Las scolaras ed ils scolars san nizzegiar a moda adattada lur motorica da discurrer, lur articulaziun e lur vusch. Els san activar lur stgazi da pleds productiv e lur model da frasa per discurrer a moda fluenta.

B|Discurrer a moda monologica

1. Las scolaras ed ils scolars san s'exprimer en situaziuns monologicas a moda adattada e chapibla.

C|Discurrer a moda dialogica

1. Las scolaras ed ils scolars san sa participar activamain ad in dialog.

D|Reflexiun davart il cumportament da discurrer

1. Las scolaras ed ils scolars san reflectar lur atgna moda da discurrer, lur cumportament en preschentaziuns ed en discurs.

A|Abilitads da basa

1. Las scolaras ed ils scolars san scriver a maun a moda legibla e currenta e nizzegiar la tastatura. Els sviluppeschan in fluss da scriver suffizient per avair avunda capacitad per ils process da scriver elevads. Els san activar ed engrondir lur stgazi da pleds productiv e models da frasas per formular e scriver a moda fluenta.

B|Products scrits

1. Las scolaras ed ils scolars enconuschan differents musters da texts areguard structura, cuntegn, lingua e furma ed als san nizzegiar tenor lur finamira da scriver per scriver agens texts.

C|Process da scriver: chattar ideas e planisar

1. Las scolaras ed ils scolars san co chattar avunda ideas da scriver e san co las integrar en in process da scriver a moda intenziunada.

D|Process da scriver: formular

1. Las scolaras ed ils scolars san metter lur ideas e lur patratgs en ina successiun chapibla e logica. Els san vegnir en in fluss da scriver e formular adequatamain a lur intenziun.

E|Process da scriver: surlavurar il cuntegn

1. Las scolaras ed ils scolars san surlavurar tematicamain lur text areguard la finamira da scriver e las directivas.

F|Process da scriver: surlavurar la furma

1. Las scolaras ed ils scolars san surlavurar lur text areguard ortografia e grammatica.

G|Reflexiun davart il cumportament da scriver

1. Las scolaras ed ils scolars san reflectar davart lur process e lur products da scriver e san valitar lur qualitad.

A|Perscrutar lingua

1. Las scolaras ed ils scolars san perscrutar e cumparegliar linguas. Per quel intent san els rimnar, ordinar e cumparegliar material linguistic. Ils scolars san formular supposiziuns davart quest material e las verifitgar.

B|Diever da la lingua

1. Ils scolars e las scolaras san perscrutar il diever e l'effect da lingua.

C|Furma da la lingua

1. Ils scolars e las scolaras san intercurir structuras linguisticas en pleds e frasas.

2. Ils scolars e las scolaras san duvrar expressiuns grammaticalas per l'analisa da structuras linguisticas e san applitgar lur savida davart la grammatica.

3. Ils scolars e las scolaras san applitgar lur savida davart reglas ortograficas en exercizis isolads ed en agens texts.

A|Preschentaziun da texts e reflexiun davart l'effect

1. Scolaras e scolars san reproducir a moda creativa texts litterars, san discurrer davart texts e reflectar lur patratgs e sentiments en connex cun lur lectura.

B|Savida davart geners, furmas da texts, auturAs e lur ovras

1. Ils scolars e las scolaras enconuschan tratgs essenzials da furmas da texts e da geners litterars. Els enconuschan singulas auturas ed auturs ed intginas da lur ovras e san metter lur savida en connex cun il temp.

C|Analisa e sintesa

1. Las scolaras ed ils scolars vesan che texts litterars èn vegnids concepids a moda cunscienta areguard lur cuntegn, furma e lingua per crear in effect estetic. Els san nizzegiar questa savida per crear agens texts.

D|Savida davart cultura rumantscha

1. Las scolaras ed ils scolars enconuschan las particularitads da lur atgna cultura, las stiman e vegnan sensibilisads per la diversitad intraculturala.