ATT.2
Process e products
B
Funcziun e construcziun
1
Las scolaras ed ils scolars san chapir funcziuns e sviluppar atgnas construcziuns en ils champs tematics gieu/temp liber, moda/vestgadira, construcziun/sectur d'abitar, mecanica/transport ed electricitad/energia.
Gieu/temp liber
ATT.2.B.1
Las scolaras ed ils scolars ...
1
1a
- san midar e cumplettar objects da gieu tut tenor la situaziun.
1b
- san inventar e furmar figuras (p.ex. poppas, figuras per il gieu da rollas, animalets da stoffa).
- san inventar e far objects per lur atgnas ideas da gieu (p.ex. gieu d'inschign, gieu da vent, plan dal gieu).
2
1c
- san identifitgar funcziuns e construcziuns d'objects da gieu e da temp liber e trair a niz per atgnas ideas da gieu (p.ex. delta, giugaret tecnic, concepziun da la plazza da pausa).
3
1d
- san analisar princips da la funcziun e da la construcziun d'objects da gieu e da temp liber e trair a niz quels per atgnas realisaziuns (p.ex. urdain da sport, rampa da skating, gieu da flipper).
Moda/vestgadira
ATT.2.B.1
Las scolaras ed ils scolars ...
1
2a
- san integrar en lur gieu funcziuns da tocs da vestgadira quotidians e specifics.
- san giugar ed experimentar cun ponns e textilias veglias.
2b
- san ponderar davart funcziuns da tocs da vestgadira, midar quels a moda ludica e sa travestgir (p.ex. cliniez, protecziun).
2
2c
- san identifitgar ed interpretar funcziuns da tocs da vestgadira u d'accessoris e deducir da quai ideas per agens projects (p.ex. costums grischuns, vestgadira en differentas culturas, vestgadira da lavur, da sport, da protecziun, da giuvenils).
2d
- san far il pass da musters da tagl bidimensiunals a tocs da vestgadira u accessoris tridimensiunals e stgaffir tals sut instrucziun.
3
2e
- san deducir construcziuns textilas simplas e chapir construcziuns pli cumplexas ed exequir ellas sut instrucziun (musters da tagl).
- san identifitgar tendenzas e furmas da tocs da vestgadira ed accessoris e nizzegiar ellas per agens products.
2f
- san tscherner construcziuns textilas adequatas ed adattar ellas a projects individuals.
Construcziun/sectur d'abitar
ATT.2.B.1
Las scolaras ed ils scolars ...
1
3a
- san integrar en lur gieu funcziuns d'edifizis da lur fantasia e mund da viver.
- san transfurmar a moda ludica funcziuns d'objects en l'abitar quotidian.
- san giugar cun materialias e construir edifizis simpels (p.ex. material d'emballadi, craps, lattas da tetg. sugas, ponns).
3b
- san identifitgar il connex tranter funcziun e construcziun da vaschs e recipients e duvrar en situaziuns dal mintgadi.
- san inventar objects funcziunals per il sectur d'abitar u per la plazza da lavur e realisar cun construcziuns simplas (p.ex. chascha collectura, rom da maletgs).
2
3c
- san identifitgar funcziuns d'elements stabilisants en construcziuns ed edifizis ed applitgar quels elements (p.ex. pitga, posa, fixaziun, sparun, traversa, profil).
- san formular agens basegns per objects d'endrizzament e realisar sut instrucziun lur ideas cun construcziuns simplas (p.ex. plimatschs, vaschs, recipients).
3d
- san formular agens basegns per objects d'endrizzament e realisar autonomamain lur ideas cun construcziuns simplas.
3
3e
- enconuschan elements funcziunals e constructivs dal bajegiar e da la concepziun dal spazi (p.ex. isolaziun termica, construcziun da skelet u da travs, partaspazi, object da glisch).
- san - partind d'ina analisa da la situaziun da spazi, da colur e da material - formular agens basegns per products en il sectur d'abitar e realisar quels.
3f
- enconuschan materialias, elements funcziunals e constructivs dal bajegiar e da la concepziun dal spazi e san applitgar quels (p.ex. banc da seser, models da chasas).
Mecanica/transport
ATT.2.B.1
Las scolaras ed ils scolars ...
1
4a
- rimnan experientschas cun objects che rodlan, nodan, ballantschan e sgolan.
2
4c
- enconuschan la funcziun e construcziun da propulsaders e san applitgar tals (motor da bindel elastic, propeller, repulsiun).
- s'occupan da basas mecanic-tecnicas e san applitgar quellas funcziunalmain e constructivamain (furmaziuns da caums tar il taisser, roda, rodam).
3
4e
- enconuschan maschinas e meds da transport e san construir models da funcziun.
4f
- enconuschan regularitads mecanic-tecnicas specificas e san applitgar quellas en products (p.ex. indriz da cumond, regulaziun, transmissiun, transmissiun da moviment).
Electricitad/energia
ATT.2.B.1
Las scolaras ed ils scolars ...
1
5a
- enconuschan reglas da segirezza en l'ir enturn cun electricitad da chasada (bischla da contact) e current a bassa tensiun (battaria).
- fan tras il gieu experiments cun funtaunas da glisch (p.ex. chandaila, glisch da giaglioffa).
5b
- san duvrar in'illuminaziun cun battaria cun ina funcziun d'envidar e da stizzar.
- fan experientschas cun la forza dal vent e da l'aua vi d'in exempel (p.ex. roda d'aua fa ir in martè mecanic).
2
5c
- sa fatschentan cun caracteristicas da cirquits electrics (diodas traglischantas, cirquit da seria e cirquit parallel) e san applitgar quels en agens products.