NUS.8
Umans nizzegian spazis - s'orientar e gidar a concepir
2
Las scolaras ed ils scolars san s'occupar da las differentas utilisaziuns da spazis entras l'uman, cumparegliar e giuditgar quellas e reflectar davart relaziuns d'umans cun spazis.
Utilisaziun dal spazi, relaziuns uman - spazi
NUS.8.2
Las scolaras ed ils scolars ...
1
a
- san raquintar d'experientschas, co ch'els dovran ed utiliseschan sezs differents spazis (per abitar, en il temp liber, per far cumpras, per esser per via).
b
- san percepir, nominar e motivar, en tge spazis ch'els sa trategnan gugent resp. navidas e tge ch'è impurtant per els en lur spazi da viver.
2
c
- san retschertgar e mussar a maun d'exempels en ils agens conturns, co che umans dovran differents spazis ed elements territorials (p.ex. edifizis, stabiliments, auas, guauds) e tge che quels pussibiliteschan a l'uman per il mintgadi. furma d'utilisaziun: abitar, lavurar, far cumpras, temp liber, traffic, provediment d'aua
d
- san rimnar e cumparegliar, tge impurtanza che differents spazis han per l'utilisaziun tras differents umans e reflectar davart lur atgnas pretensiuns a spazis (al lieu da domicil, en la regiun da domicil, en la citad, en lieus da temp liber e da vacanzas).
e
- san s'infurmar cun agid da maletgs, texts, chartas davart differenzas e diversitad da furmas d'utilisaziun dals umans en differentas cuntradas, cumparegliar ed ordinar quellas. diversitad da furmas d'utilisaziun en la citad, en l'aglomeraziun, en territoris rurals,
en territoris da muntogna, en vals, a lais, en regiuns planivas
f
- san perscrutar e retschertgar en differents spazis da l'ambient pli stretg e pli vast, tge pretensiuns a l'utilisaziun che differents umans han sco era supponer e giuditgar, tge conflicts d'utilisaziun che pon nascher da quai (p.ex. agricultura - bajegiar, abitar - traffic, temp liber/turissem - protecziun da la natira).