NUS.4
Perscrutar e declerar fenomens da la natira viva e morta
1
Las scolaras ed ils scolars san percorscher, cumparegliar e declerar signals, senns e prestaziuns dals senns.
renviaments
Signals, senns, prestaziuns dals senns
NUS.4.1
Las scolaras ed ils scolars ...
1
a
- san identifitgar ils signals che vegnan duvrads en il mintgadi e descriver lur significaziun (p.ex. sirena dals pumpiers, amplas da traffic, segns cun il maun).
b
- san perscrutar signals, senns e prestaziuns dals senns e descriver experientschas dal mintgadi. ureglia, udir; egl, vesair; lieunga, sagiar; nas savurar; pel, sentir e palpar
c
- san percepir e giuditgar tscherts signals dal corp e sias reacziuns sisur ed agir correspundentamain (p.ex. pel-giaglina, avair fraid, trair en vestgadira chauda; percorscher in privel, franar, distanza da franar; ferma radiaziun dal sulegl, tschegnar, metter si egliers da sulegl).
2
d
- san identifitgar signals, irritabladad e reacziuns da plantas e d'animals (p.ex. sa drizzar vers il sulegl, reacziun tar il tutgar, camuflar, avertir).
e
- san s'occupar d'infurmaziuns davart pussaivladads e cunfins da prestaziuns dals senns (p.ex. egls da fassetta; odurat [nas] ed udida dal chaun) e giuditgar consequenzas da disturbis e da donns (p.ex. udir/vesair mal u insumma betg, lingua da segns, scrittira per tschorvs).
f
- san observar, descriver e declerar particularitads, differenzas e connexs da differentas prestaziuns dals senns e signals (p.ex. connexs tranter savurar, vesair, gustar; l'emprim vesan ins il chametg, alura audan ins il tun).