R.2
Leger
C
Chapir texts litterars
R.2.C.1
Las scolaras ed ils scolars ...
1
a
- vesan en in maletg ina situaziun (p. ex. figura, acziun, istorgia pussaivla).
- san s'imaginar respectivamain raquintar en in discurs in'istorgia or da maletgs mess in suenter l'auter (p. ex. cudesch da maletgs).
b
- san suandar istorgias raquintadas u prelegidas e chapir il fil cotschen (p. ex. pitschna istorgia, cudesch da maletgs, verset, verset per trair la sort).
- san colliar il fil cotschen d'ina istorgia cun maletgs correspundents.
c
- chapeschan en curts texts cun agid da dumondas acziuns e tratgs spezifics tipics da figuras.
- san s'imaginar cun instrucziuns acziuns centralas, lieus e figuras en curtas istorgias e las colliar cun l'agen mund.
- san engrondir lur stgazi da pleds receptiv cun drizzar cun agid lur attenziun sin pleds e formulaziuns specifics.
- san resentir la biblioteca sco lieu cun ina ritga purschida da leger e san cun instrucziun eleger cudeschs auditivs ed autras medias.
d
- san mussar lur chapientscha da text cun al preleger a moda adattada (p. ex. differenziar singulas figuras entras la vusch).
2
e
- san eleger audiocudeschs ed autras medias per l'atgna lectura cun sustegn da covers, texts sin il viertgel, illustraziuns ed extracts da texts.
- resentan cun sustegn (p. ex. persuna d'instrucziun, audiocudesch) l'atmosfera d'in text (p. ex. tensiun en in crimi).
f
- san sfegliar en differents cudeschs per eleger in cudesch (p. ex. leger l'entschatta u la fin).
- san sa metter en la situaziun da las figuras, chapir cun sustegn lur acziuns sco era lur intenziuns e motivs ed als colliar cun l'agen mund.
- san cun sustegn s'orientar en ina biblioteca e nizzegiar lur purschida.
- san formular il patratg central en poesias elegidas cun sustegn.
- san mussar lur chapientscha da text cun preleger in text a moda adattada uschia che la differenza tranter passaschas narrativ-descriptivas ed il discurs da figuras vegn visibla.
g
- san cun sustegn eruir tratgs specifics tipics (p. ex. gist/malgist) ed intenziuns da las figuras era sche quellas n'èn betg menziunadas explicitamain.
3
h
- san nizzegiar la purschida d'ina biblioteca e sch'i fa da basegn procurar independentamain per sustegn.
- san descriver tge ch'els legian gugent ed uschia eleger e leger cudeschs tenor l'agen interess.
- chapeschan infurmaziuns implicitas or d'istorgias cun sustegn en spezial intenziuns e tratgs specifics da figuras.
- san formular il patratg d'ina poesia ch'è per els central.
- san differenziar lur stgazi da pleds cun agid da l'atgna lectura.
- san mussar lur chapientscha da text cun preleger in text a moda adattada uschia che las differentas atmosferas pon vegnir recepidas.
i
- san formular in'atgna opiniun tar in text legì e la motivar.
- san eruir e declerar tratgs specifics, l'atmosfera ed intenziuns da figuras, era sche quels na vegnan betg numnads explicitamain.