R.5
Lingua en il focus
C
Furma da la lingua
2
Ils scolars e las scolaras san duvrar expressiuns grammaticalas per l'analisa da structuras linguisticas e san applitgar lur savida davart la grammatica.
renviaments
R.5.C.2
Las scolaras ed ils scolars ...
1
a
- san far emprimas experientschas cun las trais spezias da pleds principalas nomen, verb ed adjectiv.
- san ch'i dat artitgels, numerals e particlas.
- san ch'ins po conjugar verbs e che mintga verb ha in tschep.
2
b
- san identifitgar nomens, verbs ed adjectivs tipics cun agid dal cuntegn (p. ex. il pled currer è in verb perquai ch'el descriva in'activitad).
- san ch'i dat ils temps grammaticals preschent, imperfect e perfect.
- san ch'i dat il tschep d'in pled e san furmar famiglias da pleds simplas.
- san ch'i dat sco ulteriuras spezias differentas sorts da pronoms.
c
- san identifitgar nomens, verbs ed adjectivs cun agid dad aspects formals.
- san identifitgar, furmar ed applitgar ils temps grammaticals preschent, imperfect e perfect, plusquamperfect e futur.
- san identifitgar l'infinitiv, la furma conjugada ed il particip perfect.
- san identifitgar il tschep e furmar famiglias da pleds.
- enconuschan ils verbs regulars, alternants (p. ex. clamar - el cloma) ed irregulars (p. ex. ir - el va).
d
- san numnar differentas particlas che collian cuntegns en discurs e raquintaziun (p.ex. preposiziuns sco sut, sin; conjuncziuns sco e(d), u, sche).
- san numnar differentas sorts da pronoms (p. ex. pronoms possessivs, pronoms persunals).
- san identifitgar las particlas sco spezia da pleds nunvariabla.
- han enconuschientschas davart l'indicativ, il cundiziunal, il conjunctiv en il discurs indirect.
- san applitgar l'imperativ e la furma da curtaschia.
- san duvrar meds d'agid per la lavur cun il verb.
3
e
- san ch'il verb è ina part centrala da la frasa e che las ulteriuras parts dependan dal verb.
- san ch'i dat differentas furmas da frasas (p. ex. frasas simplas, frasas cumponidas) e ch'ina frasa consista dad ina u pliras proposiziuns.
- san ch'ina frasa consista da differentas parts e san eruir talas cun agid da l'emprova da spustada.
- san identifitgar las singulas spezias da pleds (nomens, verbs, adjectivs, pronoms, particlas e sutgruppas da las particlas) e numnar tratgs tipics ed exempels per mintgina.
- san cun agid dal test da spustada separar la frasa en differentas parts.
- san identifitgar ed applitgar ils temps grammaticals plusquamperfect e futur.
- san identifitgar ils modus grammaticals indicativ, conjunctiv, cundiziunal ed imperativ.
- san cun agid da l'emprova da l'infinitiv eruir il subject.
- san applitgar l'activ ed il passiv.
f
- san identifitgar las differentas spezias da pleds.
- san identifitgar las pli frequentas sutgruppas dals pronoms.
- san differenziar il subject da l'object.
- san identifitgar ils temps grammaticals preschent, imperfect, perfect, plusquamperfect e futur en in text.
- san ch'i dat in futur II ed al san differenziar dal futur.
- san ch'i dat tranter ils pronoms accumpagnaders e remplazzants.
- san ch'i dat il gerundi.
- san differenziar proposiziuns principalas da proposiziuns lateralas.
- Impressum
- Agid
- Davart il Plan d'instrucziun 21
- La CDEP-T
- Plan d'instrucziun 21 · 29.2.2016