Il plan d'instrucziun dal modul medias ed informatica distingua ils champs da cumpetenza medias ed informatica sco era las cumpetenzas d'applicaziun. Ils svilups da las cumpetenzas tar ils champs da cumpetenza medias ed informatica èn preschentads en il plan d'instrucziun dal modul. L'acquist da las cumpetenzas d'applicaziun è per gronda part l'incumbensa dals singuls roms ed è perquai descrit en ils svilups da las cumpetenzas dals roms. Quellas cumpetenzas d'applicaziun che na pon betg vegnir acquistadas entaifer ils singuls roms fan part dal modul medias ed informatica. Plinengiu suonda ina survista da las cumpetenzas d'applicaziun che ston vegnir intermediadas en il rom da la scola populara, cun renviaments als svilups da las cumpetenzas dals roms resp. dal modul medias ed informatica.
Ils trais secturs n'èn betg separads strictamain in da l'auter. Tschertas cumpetenzas na pon betg vegnir attribuidas cleramain ad in dals trais secturs. Uschia premetta per exempel ina retschertga effizienta en l'internet che las scolaras ed ils scolars enconuschian la moda da funcziun da maschinas da retschertga (informatica), hajan infurmaziuns davart models da fatschenta e davart mesiras da censura da maschinas da retschertga (medias) e sappian concretamain co duvrar las maschinas da retschertga actualas (applicaziun).
Il plan d'instrucziun dal modul medias ed informatica d'ina vart ed ils plans d'instrucziun dals roms da l'autra vart han numerus puncts tematics cuminaivels ch'èn adattads per emprender a moda interdisciplinara. Ils lieus correspundents èn munids cun renviaments.
Interacziuns basadas sin las medias che han lieu en gruppas socialas pli pitschnas e pli grondas premettan tant enconuschientschas specificas sco era cumpetenzas socialas e persunalas. Cumpetenzas persunalas èn era la premissa per controllar e reflectar davart l'agen diever da medias. Perquai èsi impurtant da concepir correspundentamain l'instrucziun, da betg mo persequitar sapientivamain finamiras tematicas, mabain era finamiras socialas e persunalas, e da reflectar regularmain ils progress d'emprender.
Il modul medias ed informatica presta contribuziuns impurtantas a favur dal svilup da cumpetenzas metodicas che s'effectueschan en tut ils roms. Latiers tutgan en spezial la tschertga, il giudicament, la preparaziun e la preschentaziun d'infurmaziuns e datas sco era l'acquist da strategias per elavurar incumbensas e problems. Lur soluziun sustegna l'agir en il mintgadi e la professiun.
L'instrucziun en il champ da cumpetenza informatica cumenza en general en la segunda mesadad dal 2. ciclus. En il svilup da las cumpetenzas è quai marcà cun il simbol da la frizza avant il punct d'orientaziun.
La gronda part da las cumpetenzas d'applicaziun vegn intermediada en l'instrucziun dals roms. Las descripziuns da las cumpetenzas correspundentas sa chattan en ils svilups da las cumpetenzas dals plans d'instrucziun dals roms. Singulas cumpetenzas d'applicaziun fan part dals secturs da cumpetenza medias ed informatica. Ils renviaments da la suandanta survista mussan, nua che la cumpetenza d'applicaziun respectiva vegn acquistada. Responsabla per intermediar questas cumpetenzas d'applicaziun è la magistra u il magister che instruescha il rom correspundent.
|
1 |
san deponer e puspè chattar independentamain documents. |
|
1 - 2 |
san ir enturn cun elements fundamentals da la surfatscha d'utilisaziun (fanestras, menus, plirs programs averts). |
|
3 |
san deponer documents uschia, ch'era auters chattan puspè quels. |
|
Ciclus |
Cumpetenza |
Lieu da l'integraziun |
|
Las scolaras ed ils scolars ... |
|
|
|
1 - 3 |
san emprender cun agid da medias prescrittas e sa procurar infurmaziuns davart in tschert tema cun agid da talas medias (p.ex. cudesch, revista, gieu didactic, istorgia da giugar, pagina d'internet). |
|
2 - 3 |
san selecziunar medias e datas e nizzegiar quellas sco funtauna d'infurmaziun per lur emprender (p.ex. lexicon, maschina da retschertga, telescola, charta meteorologica, datas geograficas, instrucziuns tecnicas). |
ATT.3.B.4.b |
|
2 - 3 |
san sa procurar texts da diever en il rom d'in retschertga (p.ex. en l'internet, en la biblioteca) e san - cun agid da dumondas directivas - nizzegiar las infurmaziuns cuntegnidas per ulteriuras lavurs (p.ex. referat). |
|
|
3 |
san tscherner ed applitgar a moda independenta medias per l'agen process d'emprender (p.ex. cudesch tematic, revista, RSS-feed, raits socialas, e-book, software specifica per il rom). |
DR.4.B.1.d |
|
Ciclus |
Cumpetenza |
Lieu da l'integraziun |
|
Las scolaras ed ils scolars ... |
|
|
|
1 - 2 |
san applitgar medias per il barat vicendaivel sco era per far e preschentar lur lavurs (p.ex. brev, e-mail, gasetta da classa, blog da classa, crear documents da text, maletgs, video e tun). |
|
2 - 3 |
san applitgar las funcziuns fundamentalas d'apparats e da programs per far, elavurar e crear texts, tabellas, preschentaziuns, diagrams, maletgs, tuns, videos ed algoritmus. |
|
2 - 3 |
san nizzegiar medias actualas per sa barattar e preschentar lur ponderaziuns e lur savida ad in public u metter a disposiziun talas ad ina publicitad. |
|
3 |
san utilisar apparats e programs per far, elavurar e crear texts, tabellas, preschentaziuns, diagrams, maletgs, tuns, videos ed algoritmus. |
AF.2.C.1.6d |
|
3 |
san nizzegiar medias e funcziuns da programs per repassar il cuntegn e la furma da texts (p.ex. dicziunari, funcziuns da correctura e repassada, internet). |
|
3 |
san applitgar models e musters en programs (p.ex. elavuraziun da texts, preschentaziuns, calculaziun da tabellas). |
|
3 |
san nizzegiar medias actualas confurm a la finamira ed a la gruppa en mira per preschentar lur ponderaziuns e lur savida ad in public u metter a disposiziun talas ad ina publicitad (p.ex. preschentaziuns, contribuziun da fotografias, video u audio, blog e wiki). |
