NUS.6
Lavur, producziun e consum - s'occupar da situaziuns respectivas
5
Las scolaras ed ils scolars san percepir cundiziuns generalas dal consum sco era reflectar davart l'utilisaziun da rauba.
renviaments
Giavischs, basegns, consum
NUS.6.5
Las scolaras ed ils scolars ...
1
a
- san numnar ed ordinar giavischs e basegns individuals da l'agen consum e cumparegliar quels cun auters sco era sviluppar differentas ideas, co ch'els pon s'ademplir giavischs e basegns (p.ex. formular giavischs d'anniversari, spargnar daners da giaglioffa, ir a la biblioteca e ludoteca, adattar e duvrar quai ch'è avant maun, barattar cun auters).
b
- san cumparegliar pretschs da rauba (p.ex. giugarets) e da servetschs (p.ex. posta, coiffeur, indrizs e purschidas en territoris turistics, territori da skis, bogn cuvert).
c
- san planisar ina cumpra simpla sco era considerar niz, custs e pussaivladads da spargn. conflicts tranter giavischs, basegns e meds finanzials stgars
d
- san intercurir vi d'exempels la midada da disas da consum sco era mussar consequenzas per il mintgadi (p.ex. utensils da scola).
2
e
- san ordinar ils basegns fundamentals d'umans tenor lur urgenza e distinguer giavischs da basegns ch'èn impurtants per surviver (p.ex. nutriment, abitar versus giugarets, excursiuns).
f
- san distinguer bains da consum sco simbols da status e sco segns da l'appartegnientscha u da la cunfinaziun da gruppas.
g
- san examinar a maun d'exempels decisiuns da consum resguardond las pussaivladads finanzialas sco era discutar alternativas per cuvrir ils basegns (p.ex. far u producir sez).
h
- san analisar a maun d'exempels la repartiziun da bains e chattar motivs per las differenzas. bainstanza, povradad
- Impressum
- Agid
- Davart il Plan d'instrucziun 21
- La CDEP-T
- Plan d'instrucziun 21 · 29.2.2016