R.1
Tadlar
B
Chapir texts monologics
R.1.B.1
Las scolaras ed ils scolars ...
1
a
- san chapir ed exequir simplas instrucziuns ed explicaziuns (p. ex. en expressiuns dal mintgadi, en decurs quotidians).
- san producir insatge adattà tar il text tadlà (p. ex. dissegnar in maletg intern, modellar insatge, preschentar a moda ludica).
b
- san raquintar tge ch'els han udì da texts auditivs (p. ex. raquintaziun prelegida, tema dal fatg raquintà, cudesch da maletgs, versets).
- san suandar l'acziun d'ina simpla raquintaziun.
c
- chapeschan messadis ed explicaziuns e san exequir instrucziuns.
- san suandar in curt text auditiv (p. ex. raquintaziun) fin a la fin e san rapportar davart il cuntegn.
- san eruir cun dumondas singuls pleds e formulaziuns dal text auditiv ed uschia engrondir lur stgazi da pleds receptiv.
d
- disponan d'ina chapientscha globala envers differents texts auditivs (p. ex. raquintaziun, poesia, text da diever, instrucziun da diever, decleraziun).
- chapeschan infurmaziuns impurtantas da messadis (p. ex. infurmaziuns telefonicas, communicaziun tras l'autpledader).
- san eruir la muntada da pleds nunenconuschents e simpels or dal context.
2
e
- san sa preparar sin in text auditiv (p. ex. entras activar la presavida u entras leger las dumondas dal text auditiv avant che tadlar).
- san suandar texts auditivs, eruir infurmaziuns evidentas e giugar curtas scenas (d'ina istorgia auditiva).
f
- chapeschan cun agid impurtantas infurmaziuns (era implicitas) d'in text auditiv (p. ex. rapport, referat, gieu auditiv) e las san reproducir.
- chapeschan il cuntegn essenzial da decleraziuns e rapports, al san nudar e visualisar (p. ex. mindmap, diagram).
- san eruir la muntada da pleds nunenconuschents cun agid dal context, cun agid da dumondas u cun guardar suenter (p. ex. en dicziunaris, cudeschs dal fatg, internet) per uschia engrondir lur stgazi da pleds receptiv.
3
g
- chapeschan e san exequir instrucziuns pli cumplexas e cun pliras parts.
- san suandar il cuntegn da tocs da teater pli lungs, da films, gieus auditivs e emissiuns.
- san eruir cun dumondas la muntada da pleds nunenconuschents u l'eruir cun agid da meds auxiliars adattads e san uschia differenziar lur stgazi da pleds receptiv.
h
- san eruir largias d'infurmaziuns (p.ex. tar in referat, tar in'emissiun da televisiun) independentamain, cun agid da dumondas u cun agid da meds adattads.
- disponan d'ina chapientscha precisa da differents texts auditivs per savair resumar il pli impurtant (p.ex. rapport, referat, toc da teater).