1 | Reflectar davart experientschas fundamentalas existenzialas

1. Las scolaras ed ils scolars san descriver e reflectar davart experientschas fundamentalas umanas.

2. Las scolaras ed ils scolars san tschentar dumondas filosoficas e reflectar davart talas.

2 | Declerar valurs e normas e responsar decisiuns

1. Las scolaras ed ils scolars san declerar, examinar e represchentar valurs e normas.

2. Las scolaras ed ils scolars san metter en dumonda e giuditgar eticamain reglas, situaziuns ed acziuns e defender a moda fundada puntgs da vista.

3 | Enconuscher fastizs e l'influenza da religiuns en la cultura ed en la societad

1. Las scolaras ed ils scolars san identifitgar motivs religius en il mintgadi ed en ovras culturalas e giuditgar co che religiuns vegnan preschentadas en las medias.

2. Las scolaras ed ils scolars san giuditgar rolla ed effects da religiuns e communitads religiusas en connexs socials.

4 | Sa fatschentar cun religiuns e cun vistas dal mund

1. Las scolaras ed ils scolars san declerar co che texts e ductrinas vegnan tradids e duvrads en las religiuns.

2. Las scolaras ed ils scolars san explitgar pratica religiusa en il context profan da viver.

3. Las scolaras ed ils scolars san caracterisar tradiziuns da festas e metter en in urden cultural.

4. Las scolaras ed ils scolars san s'orientar en la diversitad da tradiziuns e d'ideologias religiusas ed inscuntrar cun respect differentas persvasiuns.

5. Las scolaras ed ils scolars san reflectar davart vistas ed interpretaziuns dal mund.

5 | Jau e la collectivitad - concepir la vita e la convivenza

1. Las scolaras ed ils scolars san scuvrir, giuditgar e contribuir atgnas resursas.

2. Las scolaras ed ils scolars san reflectar davart schlattaina e rollas.

3. Las scolaras ed ils scolars san reflectar davart relaziuns, amur e sexualitad e giuditgar lur responsabladad.

4. Las scolaras ed ils scolars san gidar a concepir activamain cuminanza.

5. Las scolaras ed ils scolars san explorar e respectar differentas situaziuns da vita e differents munds da viver.

6. Las scolaras ed ils scolars san formular giavischs, percepir conflicts e tschertgar soluziuns pussaivlas.