1 | Examinar las basas natiralas da la terra

1. Las scolaras ed ils scolars san descriver la terra sco planet.

2. Las scolaras ed ils scolars san analisar l'aura ed il clima.

3. Las scolaras ed ils scolars san declerar fenomens natirals ed eveniments da la natira.

4. Las scolaras ed ils scolars san perscrutar resursas natiralas e purtaders d'energia.

2 | Caracterisar modas da viver e spazis da viver

1. Las scolaras ed ils scolars san identifitgar ed ordinar structuras ed moviments da la populaziun.

2. Las scolaras ed ils scolars san cumparegliar modas da viver d'umans en differents spazis da viver.

3. Las scolaras ed ils scolars san analisar la dinamica en territoris urbans e rurals.

4. Las scolaras ed ils scolars san perscrutar mobilitad e transport.

5. Las scolaras ed ils scolars san giuditgar l'impurtanza dal turissem.

3 | Analisar las relaziuns tranter l'uman e l'ambient

1. Las scolaras ed ils scolars san perscrutar sistems natirals e lur utilisaziun.

2. Las scolaras ed ils scolars san perscrutar process economics e la globalisaziun.

3. Las scolaras ed ils scolars san chapir process da la planisaziun dal territori.

4 | S'orientar en spazis

1. Las scolaras ed ils scolars san localisar lieus.

2. Las scolaras ed ils scolars san trair a niz chartas e meds d'orientaziun.

3. Las scolaras ed ils scolars san s'orientar en il spazi real.

5 | Chapir la Svizra cun sias tradiziuns e midadas

1. Las scolaras ed ils scolars san declerar il cumenzament ed il svilup da la Svizra.

2. Las scolaras ed ils scolars san mussar co che umans en Svizra vegnan caracterisads da midadas economicas e co ch'els van enturn cun las midadas.

3. Las scolaras ed ils scolars san cumparegliar la vita da mintgadi d'umans en Svizra en differents tschientaners.

6 | Declerar cuntinuitads e midadas da l'istorgia mundiala

1. Las scolaras ed ils scolars san raquintar l'istorgia dal cumenzament dal temp modern fin oz en tagls longitudinals definids.

2. Las scolaras ed ils scolars san caracterisar cuntinuitads e midadas en il 19. tschientaner.

3. Las scolaras ed ils scolars san analisar tscherts fenomens da l'istorgia dal 20. e 21. tschientaner e declerar lur relevanza per oz.

7 | Analisar e duvrar la cultura da l'istorgia

1. Las scolaras ed ils scolars san s'orientar en lieus da furmaziun istorics che sa chattan ordaifer la scola e san duvrar els per emprender.

2. Las scolaras ed ils scolars san profitar da l'istorgia per la furmaziun ed il divertiment.

3. Las scolaras ed ils scolars san obtegnair enconuschientschas davart il passà or da discurs cun perditgas dal temp.

8 | Chapir la democrazia ed ils dretgs umans e s'engaschar per tals

1. Las scolaras ed ils scolars san declerar la democrazia svizra e cumparegliar cun auters sistems.

2. Las scolaras ed ils scolars san declerar il svilup, l'impurtanza e la smanatscha dals dretgs umans.

3. Las scolaras ed ils scolars san chapir e giuditgar il posiziunament da la Svizra en Europa ed en il mund.