1 | Explorar ils munds da producziun e da lavur

1. Las scolaras ed ils scolars san reflectar davart l'impurtanza individuala e sociala da la lavur.

2. Las scolaras ed ils scolars san cumparegliar pretensiuns e libertads creativas en munds da lavur.

3. Las scolaras ed ils scolars san cumparegliar e giuditgar la producziun da rauba e prestaziuns da servetsch.

2 | Chapir ils martgads ed il commerzi - reflectar davart ils daners

1. Las scolaras ed ils scolars san mussar ils princips da l'economia da martgà.

2. Las scolaras ed ils scolars san declerar l'impurtanza dal commerzi per la disponibladad da rauba.

3. Las scolaras ed ils scolars san sviluppar ina moda d'ir enturn cun daners cun responsabladad.

3 | Concepir il consum

1. Las scolaras ed ils scolars san identifitgar influenzas sin la concepziun dal mintgadi da consum.

2. Las scolaras ed ils scolars san analisar las consequenzas dal consum.

3. Las scolaras ed ils scolars san chattar decisiuns da consum che s'orienteschan vi da criteris e vi da la situaziun.

4 | Nutriment e sanadad - chapir ils connexs ed agir a moda reflectada

1. Las scolaras ed ils scolars san identifitgar ils connexs da differentas influenzas sin la sanadad e concepir l'agen mintgadi uschia ch'el promova la sanadad.

2. Las scolaras ed ils scolars san identifitgar influenzas sin il nutriment ed adattar il mangiar ed il baiver a la situaziun.

3. Las scolaras ed ils scolars san tscherner mangiativas tenor criteris definids.

4. Las scolaras ed ils scolars san preparar mangiativas resguardond aspects da la sanadad.

5. Las scolaras ed ils scolars san chapir sfidas globalas da l'alimentaziun d'umans.

5 | Far il tegnairchasa e concepir la convivenza

1. Las scolaras ed ils scolars san planisar situativamain lavurs dal mintgadi privat sco era las realisar a moda intenziunada ed efficazia.

2. Las scolaras ed ils scolars san retschertgar aspects socials, giuridics ed economics en il mintgadi ed en la convivenza.