1 | Chapir la natira e l'impurtanza da las scienzas natiralas e da la tecnica

1. Las scolaras ed ils scolars san descriver vias per s'acquistar enconuschientschas da las scienzas natiralas e reflectar davart lur impurtanza culturala.

2. Las scolaras ed ils scolars san duvrar apparats tecnics dal mintgadi e declerar, co ch'els funcziunan.

3. Las scolaras ed ils scolars san discutar la durabilitad d'applicaziuns scientific-natiralas-tecnicas.

2 | Analisar e producir materias

1. Las scolaras ed ils scolars san analisar, descriver e classifitgar substanzas.

2. Las scolaras ed ils scolars san separar sistematicamain substanzas sin basa da lur caracteristicas.

3 | Perscrutar reacziuns chemicas

1. Las scolaras ed ils scolars san analisar e descriver midadas da substanzas.

2. Las scolaras ed ils scolars san ordinar e declerar midadas da substanzas.

3. Las scolaras ed ils scolars san chapir substanzas sco resursas globalas ed ir enturn cun talas a moda persistenta.

4 | Analisar e reflectar las transfurmaziuns da l'energia

1. Las scolaras ed ils scolars san analisar furmas e transfurmaziuns d'energia.

2. Las scolaras ed ils scolars san descriver e ponderar las sfidas d'accumular, metter a disposiziun e transportar energia.

5 | Analisar fenomens mecanics ed electrics

1. Las scolaras ed ils scolars san analisar moviments ed effects da forzas.

2. Las scolaras ed ils scolars san chapir ed applitgar las basas da l'electrica.

3. Las scolaras ed ils scolars san perscrutar ed analisar distribuziuns electricas ed electronicas.

6 | Perscrutar senns e signals

1. Las scolaras ed ils scolars san descriver, analisar e giuditgar stimulaziuns sensualas e lur elavuraziun.

2. Las scolaras ed ils scolars san analisar l'udir ed il vesair.

3. Las scolaras ed ils scolars san perscrutar fenomens optics.

7 | Chapir funcziuns dal corp

1. Las scolaras ed ils scolars san declerar aspects da l'anatomia e da la fisiologia dal corp.

2. Las scolaras ed ils scolars san analisar process metabolics e surpigliar responsabladad per l'agen corp.

3. Las scolaras ed ils scolars han - correspundentamain a lur vegliadetgna - ina savida da basa davart la reproducziun dals umans, malsognas transmissiblas sexualmain e pussaivladads da prevegnir ad ina concepziun.

4. Las scolaras ed ils scolars san giuditgar mesiras cunter malsognas frequentas.

8 | Analisar la reproducziun ed il svilup

1. Las scolaras ed ils scolars san metter la diversitad da las spezias en relaziun cun la teoria da l'evoluziun.

2. Las scolaras ed ils scolars san perscrutar la creschientscha ed il svilup d'organissems e declerar en tratgs fundamentals.

3. Las scolaras ed ils scolars san analisar ed applitgar las basas da la genetica.

9 | Explorar sistems ecologics

1. Las scolaras ed ils scolars san examinar e giuditgar sistems ecologics aquatics.

2. Las scolaras ed ils scolars san identifitgar e caracterisar effects reciprocs entaifer e tranter sistems ecologics terresters.

3. Las scolaras ed ils scolars san identifitgar e valitar influenzas da l'uman sin sistems ecologics regiunals.