1 | Profil da persunalitad

1. Las scolaras ed ils scolars san descriver e nizzegiar lur profil da persunalitad.

2 | Vias da furmaziun, mund da professiun e da lavur

1. Las scolaras ed ils scolars san s'acquistar ina survista dal sistem da furmaziun svizzer cun agid da funtaunas d'infurmaziun e da cussegliaziun.

2. Las scolaras ed ils scolars san crear ina relaziun persunala cun il mund da lavur e trair conclusiuns per lur tscherna da scolaziun e da professiun.

3 | Sa decider ed ir enturn cun difficultads

1. Las scolaras ed ils scolars san metter prioritads, sa decider, ma restar a medem temp averts per alternativas.

2. Las scolaras ed ils scolars san identifitgar sfidas pussaivlas en il process da furmaziun e da tscherna da professiun, numnar frustraziuns, includer atgnas resursas e sviluppar pussaivladads da soluziun.

4 | Planisaziun, realisaziun e documentaziun

1. Las scolaras ed ils scolars san metter finamiras en il rom da la decisiun da furmaziun e da professiun, planisar il process d'annunzia concret ed - en cas da basegn - metter novas finamiras sco era planisar alternativas.

2. Las scolaras ed ils scolars san realisar lur pass planisads en vista a lur finamiras da scolaziun e preparar la midada.

3. Las scolaras ed ils scolars san documentar a moda suandabla lur process da tscherna da professiun e cumpilar lur documents d'annunzia sin basa da questa documentaziun.