A|Tadlar e chapir texts monologics e dialogics

1. Las scolaras ed ils scolars san chapir differents texts auditivs e discurs (texts da diever, texts estetics, texts en il mintgadi da scola, discurs en il contact cun persunas che discurran englais).

2. Las scolaras ed ils scolars san scuvrir e descriver l'effect estetic da texts auditivs.

B|Strategias

1. Las scolaras ed ils scolars san duvrar e reflectar davart strategias auditivas. Per quest intent dovran els er las strategias sviluppadas en autras linguas.

C|Mediaziun

1. Las scolaras ed ils scolars san chapir cuntegns da discurs e da texts auditivs per englais ed als san transferir confurm al senn en la lingua da scola.

A|Leger e chapir texts

1. Las scolaras ed ils scolars san leger e chapir differents texts (texts da diever, texts estetics, texts dal mintgadi da scola, discurs en il contact cun persunas che discurran englais).

2. Las scolaras ed ils scolars san scuvrir e descriver l'effect estetic da texts da leger.

B|Strategias

1. Las scolaras ed ils scolars san duvrar e reflectar davart strategias da leger. Per quest intent dovran els er las strategias sviluppadas en autras linguas.

C|Mediaziun

1. Las scolaras ed ils scolars san chapir cuntegns da texts scrits per englais ed als san transferir confurm al senn en la lingua da scola.

A|Discurrer en in dialog

1. Las scolaras ed ils scolars san sa participar a differents discurs (davart temas specifics, davart temas estetics, en il mintgadi da scola, cun persunas che discurran englais).

B|Discurrer en in monolog

1. Las scolaras ed ils scolars san discurrer coerentamain davart differents temas ed en differentas situaziuns (davart temas specifics, davart temas estetics, davart temas e process dal mintgadi da scola, en il contact cun persunas che discurran englais).

2. Las scolaras ed ils scolars san - cun recitar - furmar texts ed obtegnair in effect estetic.

C|Strategias

1. Las scolaras ed ils scolars san duvrar e reflectar davart strategias per diriger il discurs. Per quest intent dovran els er las strategias sviluppadas en autras linguas.

D|Mediaziun

1. Las scolaras ed ils scolars san transferir confurm al senn en englais cuntegns da discurs, texts auditivs u texts scrits en la lingua da scola.

A|Scriver texts

1. Las scolaras ed ils scolars san scriver differents texts (texts da diever, texts estetics, texts dal mintgadi da scola, en il contact a scrit cun persunas che discurran englais).

2. Las scolaras ed ils scolars san furmar agens texts a moda creativa e tras il gieu ed obtegnair in effect estetic.

B|Strategias

1. Las scolaras ed ils scolars san duvrar e reflectar davart strategias che gidan a scriver. Per quest intent dovran els er las strategias sviluppadas en autras linguas.

C|Mediaziun

1. Las scolaras ed ils scolars san transferir confurm al senn en englais cuntegns da texts en la lingua da scola.

A|Conscienza per la lingua

1. Las scolaras ed ils scolars san drizzar lur attenziun sin la diversitad linguistica.

2. Las scolaras ed ils scolars san drizzar lur attenziun sin fenomens linguistics.

B|Vocabulari

1. Las scolaras ed ils scolars disponan d'in vocabulari adequat ch'als permetta da s'exprimer a bucca ed a scrit.

2. Las scolaras ed ils scolars san reflectar davart strategias e tecnicas per acquistar il vocabulari sco er reglas da la furmaziun da pleds e san profitar da quai per emprender. En quest connex san els recurrer ad experientschas d'emprender ed enconuschientschas d'autras linguas.

C|Pronunzia

1. Las scolaras ed ils scolars san discurrer e preleger a moda clera e chapaivla.

2. Las scolaras ed ils scolars san chapir las reglas da pronunzia e d'intunaziun tipicas da l'englais.

D|Grammatica

1. Las scolaras ed ils scolars san percepir structuras grammaticalas en texts e profitar da quellas per chapir sco er applitgar quellas cur ch'els discurran e scrivan.

2. Las scolaras ed ils scolars san chapir structuras grammaticalas e cumparegliar cun autras linguas.

E|Ortografia

1. Las scolaras ed ils scolars san scriver vaira correctamain.

2. Las scolaras ed ils scolars san reflectar davart las reglas ortograficas da l'englais e chapir talas.

F|Reflexiun e planisaziun davart l'emprender ina lingua

1. Las scolaras ed ils scolars san reflectar davart lur atgna acquisiziun da la lingua e planisar tala.

A|Enconuschientschas

1. Las scolaras ed ils scolars enconuschan intginas caracteristicas dal spazi cultural englais sco er ils tratgs cuminaivels e las differenzas culturalas.

B|Tenutas

1. Las scolaras ed ils scolars san ponderar davart lur tenuta envers il spazi cultural englais ed envers la diversitad culturala.

C|Acziuns

1. Las scolaras ed ils scolars scuntran virtualmain e realmain umans e products dal spazi cultural englais.