MU.3
Sa mover e sautar
C
Adattaziun dal moviment a musica e repertori da sauts
1
Las scolaras ed ils scolars san adattar lur moviments a moda coordinada a la musica. Els han in repertori da sauts da differents temps, culturas e stils.
MU.3.C.1
Las scolaras ed ils scolars ...
1
a
- san mantegnair la furma da rudè tar sauts en rudè ed exequir chanzuns da moviments.
b
- san coordinar e repeter cun ils pes ed ils mauns musters da moviments tar la musica (p.ex. puls, accent dal tact, ritmus, pass, gests).
c
- san exequir en gruppa in saut da duas parts tenor model e variar singuls elements (p.ex. saut en rudè, saut d'uffants).
d
- san far pass da saut e sa dar il maun en furmaziuns da gruppa.
2
e
- san exercitar ed exequir ina simpla choreografia prescritta tar in toc musica.
f
- san transfurmar musters ritmics en moviments cunvegnents ed exequir pass da basa da differents stils da saut (p.ex. polca, rock'n'roll).
g
- san sautar differentas rollas (p.ex. saut en rudè, saut popular, saut folcloristic) tar musica da differents pajais.
3
h
- san exequir spezias e midadas da tacts nunusitadas en cumbinaziuns da pass (p.ex. tact da 5, tact da 7, midada 3/4 a 6/8).
i
- san identifitgar funcziuns dal saut e da la musica appartegnenta en differentas situaziuns socialas (p.ex. saut en dus, saut sacral, cultura da giuventetgna).
j
- san applitgar extracts da moviments e da sauts e figuras caracteristicas da sauts en projects musicals (p.ex. en in musical).