MU.3
Sa mover e sautar
A
Scolaziun sensomotorica
1
Las scolaras ed ils scolars san percepir ed applitgar lur corp a moda sensomotorica differenziada e reagir tut tenor la musica. Els san s'orientar tar la musica en il spazi ed en gruppa.
MU.3.A.1
Las scolaras ed ils scolars ...
1
a
- san localisar e numnar singulas parts dal corp ed applitgar sapientivamain il corp cun far musica e cun sautar (p.ex. salidar cun il maun e zappar durant la chanzun da bainvegni).
b
- san duvrar singuls senns per sa mover tar la musica (p.ex. ir en direcziun da la funtauna da musica).
c
- san preschentar musica a moda ludica cun sa mover en il spazi (p.ex. far la vieuta en pliras variantas, enavant, enavos) e s'orientar en il spazi da la gruppa.
d
- san sa metter en la rolla da figuras, animals, objects e fenomens e s'identifitgar cun tals en il moviment (p.ex. crappa che rodla oragiu).
e
- san distinguer cuntrasts e passadis en la musica e preschentar cun lur corp (p.ex. fluid, accentuà, pausant).
f
- san sentir musica e parameters musicals en il corp e preschentar cun fantasia (p.ex. refrain d'ina chanzun, frasa melodica).
2
g
- san percepir il puls da lur corp sco era metter lur respiraziun e la tensiun da lur corp en connex cun musica.