ATT.2
Process e products
E
Material, iseglia e maschinas
1
Las scolaras ed ils scolars enconuschan materialias, iseglia e maschinas e san duvrar quellas a moda adequata.
Material
ATT.2.E.1
Las scolaras ed ils scolars ...
1
1a
- enconuschan materials selecziunads e san esser creativs cun els (palpiri, chartun, lain, arschiglia, stiropor, textilias).
2
1b
- san denominar caracteristicas da materialias e duvrar quellas cun intenziun (materials da lain, polistirol, fildarom u filfier, tolas finas, tgirom, materialias textilas).
3
1c
- enconuschan las caracteristicas da materialias e san duvrar quellas a moda adequata (lain massiv, vaider acrilic, products da metal mezfinids, vlies, stoffa da tenda, tessids e tailas, tricots).
Iseglia e maschinas
ATT.2.E.1
Las scolaras ed ils scolars ...
1
2a
- san duvrar - en correspundenza cun il svilup da lur motorica fina - iseglia ed apparats tecnics simpels sut instrucziun e surveglianza (forsch, resgia da maun, tanvella, tagliader termic, indriz per fixar sco cludigl, murset u morsa).
- san - en quest connex - variar squitsch, forza, sveltezza e perseveranza ed observar la segirezza da lavur.
2
2b
- san duvrar cun responsabladad, correctamain ed en correspundenza cun lur motorica fina iseglia e maschinas (maschina da cuser, apparats da taisser, resgia da decupar, tanvella ad accu, tanvella da pe).
3
2c
- san duvrar cun senn da responsabladad iseglia e maschinas e lavurar cun ellas a moda adequata (p.ex. maschina d'overlock, computer da retgamar, maschina da mular circulara, resgia a piz, resgia circulara, fresa per claviglias en furma da lamella).
2d
- san tscherner sezs l'iseglia e las maschinas ch'els dovran per elavurar materialias e san ir enturn cun quellas a moda adequata.