NT.3
Perscrutar reacziuns chemicas
Chemia: reacziuns chemicas
NT.3.1
Las scolaras ed ils scolars ...
3
1a
- san observar prescripziuns da segirezza e reglas davart il tractament da chemicalias e d'apparats. certificat da laboratori: infurmaziuns da privel e da segirezza tenor il sistem global da classificaziun e da designaziun per chemicalias GHS
1b
- san observar, analisar ed identifitgar sco midada materiala ed energetica e descriver cun la lingua tecnica tschertas midadas da substanzas (p.ex. flommas da chandailas e da brischaders, combustiun, enquagliada d'alv d'ov). reacziun chemica, schema da reacziun en pleds
1c
- san far tenor instrucziun reacziuns cun oxigen, protocollar, far dumondas, formular supposiziuns e verifitgar quellas cun experiments. oxids, corrusiun/protecziun cunter corrusiun
1d
- san supponer e verifitgar connexs e regularitads tar reacziuns chemicas (p.ex. influenza da la temperatura, mantegniment da la massa).
Chemia, tecnica: reacziuns da cumprova
NT.3.1
Las scolaras ed ils scolars ...
3
2a
- san cumprovar chemicamain tenor instrucziun dioxid carbonic, oxigen, zutger, amet e proteins. reacziuns da cumprova
2b
- san cumprovar cun agid d'indicaturs soluziuns neutralas, acidas u basicas (p.ex. suc da giabus cotschen, indicatur universal) sco era perscrutar effects d'acids e da basas. caracteristicas acids/basas, strivla pH, neutralisaziun
- san far tenor instrucziun tschertas neutralisaziuns e descriver il resultat.
2c
- san - analisond substanzas dal mintgadi - tscherner proceduras da cumprova adattadas, las applitgar sezs (p.ex. bastunets da mesirar) ed observar en quest connex ils aspects necessaris da segirezza e da premura. valur pH, direzza da l'aua