NUS.8
Umans nizzegian spazis - s'orientar e gidar a concepir
1
Las scolaras ed ils scolars san percepir, descriver ed ordinar caracteristicas, structuras e situaziuns localas da l'ambient natiral e construì.
renviaments
Lieus, percepziun dal spazi
NUS.8.1
Las scolaras ed ils scolars ...
1
a
- san identifitgar e descriver, tge ch'è avant maun en ils conturns da l'abitaziun e da la scola e tge ch'els enconuschan e tge ch'als è famigliar en lieus (p.ex. tschertas chasas, lieus da cumprar en, stabiliments da traffic, lieus impurtants per els).
b
- san perscrutar lieus en ils conturns ch'els enconuschan, designar, localisar objects en la natira ed en l'ambient construì (p.ex. guauds, auas, grippa, edifizis e stabiliments differents e tipics en abitadis e spazis da la natira) e descriver differenzas en la concepziun da spazis.
2
c
- san rimnar ed ordinar, tge differents elements territorials (p.ex. edifizis, stabiliments, auas, guauds) ch'èn avant maun en l'ambient natiral e construì e caracterisar e documentar lur plazzament en il territori (p.ex. cun skizzas, plans, fotografias).
d
- san reflectar davart atgnas percepziuns, ideas e giudicaments davart spazis persunals ed impurtants en il lieu da domicil ed en la regiun, nua ch'els abitan, descriver e cumparegliar quels cun il giudicament d'auters uffants (p.ex. lieus persunals impurtants, lieus bels, lieus, nua che jau sun savens, lieus privlus, lieus, nua ch'i na ma plascha insumma betg).
e
- san explorar, ordinar e documentar en tge relaziun che caracteristicas territorialas stattan ina cun l'autra en differentas regiuns da l'ambient pli stretg e pli vast (p.ex. edifizis per differents intents, stabiliments per il traffic, temp liber, provediment e dismessa) e co ch'ellas èn entretschadas ina cun l'autra.
f
- san cumparegliar ed ordinar caracteristicas da l'ambient natiral e construì en differents spazis e caracteristicas tipicas en differentas regiuns da la Svizra, en il Giura, en la Bassa ed en il territori alpin (p.ex. tipologia dals abitadis dals Gualsers, cuntrada da lais da l'Engiadin'ota, cuntradas terrassadas). caracteristicas tipicas da spazis en citads, aglomeraziuns, territoris rurals, territoris da muntogna
g
- san s'occupar da descripziuns ed attribuziuns a spazis e gruppas da la populaziun en la regiun d'abitadi ed en la Svizra, s'infurmar en chaussa, far cumparegliaziuns sco era examinar e giuditgar decleraziuns (p.ex. Tge è tipic? Tge è auter? Attribuziuns, clischés, realitads).