NUS.3
Descriver, examinar e duvrar materias, energia e moviments
1
Las scolaras ed ils scolars san descriver ed ordinar experientschas cun moviments e forzas.
renviaments
Moviments e forzas
NUS.3.1
Las scolaras ed ils scolars ...
1
a
- san metter en moviment objects en differenta moda e maniera e discurrer davart las differenzas (p.ex. autos da giugar, ballabaina, balla: rudlar, rebatter, bittar; trair si ina penna).
b
- san pruvar or il fenomen da l'equiliber, far supposiziuns e verifitgar quellas (p.ex. tegnair la ballabaina en l'equiliber, star airi cun ballantschar, equiliber e dischequiliber tar il giugar cun blocs da construir).
c
- san descriver ils effects da forzas cun ina lingua dal mintgadi (p.ex. muventar objects: trair, stumplar, auzar, laschar crudar).
d
- san pruvar or differents effects da levagl e barattar experientschas
(p.ex. a l'agen corp, tar ina ballabaina, forsch d'ortulan, rumpanuschs, zanga).
2
e
- san explitgar, co che levagls funcziunan ed applitgar tals cun cleras intenziuns en il mintgadi (p.ex. auzar insatge pesant, transportar insatge strusch vi dal corp).
f
- san mesirar e preschentar temps e trajects sco era giuditgar precisiuns da la mesiraziun (p.ex. mesirar in traject: dumber da pass vs. bindel da mesirar).
g
- san mesirar e cumparegliar sveltezzas (p.ex. lindorna, aual, velo; cumparegliaziun cun agid da diagrams dal temp e da la via) sco era descriver midaments da la sveltezza.
h
- san percepir la cumbinaziun da fermezza e direcziun da forzas ed explitgar cun exempels dal mintgadi (p.ex. trair ina schlitta greva cun ina corda curta, lingia da sgol d'ina balla).