NUS.2
Explorar e mantegnair animals, plantas e spazis da viver
2
Las scolaras ed ils scolars san identifitgar l'impurtanza da sulegl, aria, aua, terren e crappa per creatiras, reflectar davart quell'impurtanza e declerar connexs.
Basas natiralas per creatiras
NUS.2.2
Las scolaras ed ils scolars ...
1
a
- san explorar influenzas da glisch, chalur, aria, aua, terren e crappa sin la creschientscha e la moda da viver da plantas e d'animals vi d'exempels dal mintgadi e preschentar e descriver ils resultats da questas exploraziuns.
b
- san far supposiziuns ed identifitgar tge impurtanza che sulegl/glisch, aria, aua, terren, crappa han per plantas, animals ed umans e tge ch'els dovran per viver.
2
c
- san explorar e perscrutar vi d'exempels dals agens conturns adattaziuns da plantas e d'animals a las basas natiralas, ordinar sco era commentar resultats (p.ex. plantas temprivas, plantas da piunier en il mund autalpin, animals a ed en l'aua, plantas a differents lieus).
d
- san explorar caracteristicas tipicas e l'existenza da crappa, terren, aua en ils agens conturns, far cumparegliaziuns tranter lieus e spazis da viver specifics e documentar resultats (p.ex. ad auas, en ina chava da gera, en il guaud).
e
- san explorar influenzas da sulegl/glisch, aria, chalur, aua, terren sin la creschientscha e la moda da viver da plantas e d'animals, far observaziuns sur in temp pli lung, fixar e preschentar ils resultats da questas activitads.
f
- san metter en relaziun e structurar differents fenomens e caracteristicas concernent sulegl/glisch, aria, chalur, aua, terren, crappa sco era declerar e classifitgar las enconuschientschas fatgas en quest connex. fenomens e caracteristicas: transfurmaziun, radiaziun da glisch, radiaziun da chalur, stgaudament e sfradentada, svapuraziun e condensaziun; aua e circulaziun da l'aua; structuraziun da stresas da terren
g
- san persequitar dumondas specificas davart influenzas e connexs da basas natiralas per la moda da viver dad animals, plantas ed umans, procurar infurmaziuns latiers, interrogar persunas dal fatg sco era ordinar, caracterisar e declerar resultats ed enconuschientschas.