MA.2
Furma e spazi
C
Matematisar e preschentar
3
Las scolaras ed ils scolars san s'imaginar figuras e corps en differentas posiziuns, preschentar modificaziuns e descriver quellas (geometria a chau).
renviaments
MA.2.C.3
Las scolaras ed ils scolars ...
1
a
- san palpar, dissegnar resp. furmar suenter e descriver figuras e corps zuppads.
b
- san eruir differenzas tranter furmas e posiziuns vesaivlas e figuras tenor memoria.
c
- san dissegnar u construir suenter figuras, corps u lur posiziuns tenor memoria (p.ex. far suenter ina construcziun cun 7 cubs u plazzar bastuns tenor in muster).
2
d
- san midar la posiziun d'ina figura u d'in quader en l'imaginaziun sco era descriver modificaziuns (p.ex. volver in pult a chau per 180°).
- san controllar raits dal cub e dal quader en l'imaginaziun.
e
- san decumponer e metter ensemen corps en l'imaginaziun (p.ex. construir ina figura inditgada or da duas parts dal cub soma).
- san far operaziuns exemplaricas e descriver ils resultats (p.ex. far cupitgar in dat 4 giadas, uschia ch'ins vesa puspè ils medems puncts sisum).
3
f
- san volver e spustar figuras e corps en l'imaginaziun (p.ex. vistas d'in corp cun 5 fin 8 cubs).
g
- san modifitgar corps en l'imaginaziun e descriver ils resultats (p.ex. mular giu tut ils chantuns d'in cub en l'imaginaziun e descriver il nov corp).
- san far operaziuns a chau e preschentar ils resultats (p.ex. volver per 90° e skizzar ina construcziun da 4 cubs).