MI.2
Informatica
3
Las scolaras ed ils scolars chapeschan la structura e la moda da funcziun da sistems d'elavuraziun d'infurmaziuns e san applitgar concepts per l'elavuraziun da datas segira.
renviaments
Sistems d'informatica
MI.2.3
Las scolaras ed ils scolars ...
1
a
- san metter en funcziun e stizzar apparats, avrir, applitgar e serrar programs sco er duvrar funcziuns simplas.
d
- san ir enturn cun elements fundamentals da la surfatscha d'utilisaziun (fanestras, menus, plirs programs averts).
2
e
- san differenziar tranter sistem operativ e software d'applicaziun.
f
- enconuschan differentas modas d'arcunaziun (p.ex. discs dirs, arcuns flash, arcuns principals) sco era lur avantatgs e dischavantatgs e chapeschan las unitads da grondezza per datas.
g
- san applitgar strategias da soluziun en cas da problems cun apparats e programs (p.ex. funcziun d'agid, retschertga).
h
- san declerar, co che datas pon ir a perder, ed enconuschan las mesiras las pli impurtantas per sa proteger cunter ina perdita da datas.
i
- enconuschan la moda da funcziun fundamentala da maschinas da retschertga.
j
- san differenziar apparats locals, la rait locala e l'internet sco lieus per arcunar datas privatas e publicas.
k
- han in'idea da las unitads da prestaziun da sistems ch'elavuran infurmaziuns e san giuditgar lur relevanza per applicaziuns concretas (p.ex. capacitad d'arcunaziun, resoluziun dals maletgs, capacitad da calculaziun, rata da transmissiun da datas).
3
l
- enconuschan ils elements principals da l'endataziun, elavuraziun ed emissiun da sistems d'informatica e san cumparegliar quels cun las funcziuns correspundentas da creatiras (sensur, processur, actur ed arcun).
m
- san differenziar tranter l'internet sco infrastructura e ses servetschs (p.ex. www, e-mail, telefonar sur l'internet, raits socialas).
n
- san giuditgar las ristgas d'ina transmissiun ed arcunaziun da datas nuncodada.
- Impressum
- Agid
- Davart il Plan d'instrucziun 21
- La CDEP-T
- Plan d'instrucziun 21 · 29.2.2016