LE2GR.5
Lingua(s) en il focus
D
Grammatica
1
Las scolaras ed ils scolars san percepir structuras grammaticalas en texts e profitar da quellas per chapir sco er applitgar quellas cur ch'els discurran e scrivan.
renviaments
LE2GR.5.D.1
Las scolaras ed ils scolars ...
2
a
- san applitgar - sut instrucziun - cun discurrer e cun scriver structuras grammaticalas fitg simplas, ma fan - tut tenor il grad da sustegn - anc blers sbagls (p.ex. plural regular, singulas furmas da conjugaziun).
- san percepir - cun sustegn - singulas structuras grammaticalas che sa refereschan a situaziuns specificas e san profitar da quai per chapir (p.ex. negaziun, interrogativs).
b
- san applitgar cun discurrer e cun scriver intginas structuras grammaticalas simplas, ma fan anc sbagls (p.ex. furmas da conjugaziun da verbs impurtants, pronoms persunals, dumonda simpla cun interrogativ).
- san percepir - cun sustegn - structuras grammaticalas che sa refereschan a situaziuns specificas e san profitar da quai per chapir (p.ex. indicaziun da las uras, indicaziuns dals lieus).
3
c
- san applitgar cun discurrer e cun scriver structuras grammaticalas simplas, ma fan per part anc sbagls (p.ex. sequenza da pleds en decleraziuns e dumondas simplas, verbs cun dus objects, plurals irregulars, preposiziuns frequentas).
- san percepir - cun sustegn - structuras grammaticalas simplas e profitar da quai per chapir (p.ex. sequenza da pleds en la frasa, dumonda cun interrogativ u cun intunaziun, furmas da conjugaziun).
d
- san duvrar vaira correctamain er intginas structuras grammaticalas pli cumplexas cun discurrer e cun scriver (p.ex. verbs auxiliars e modals, differentas furmas da negaziun, pronoms demonstrativs e reflexivs).
- san percepir structuras grammaticalas pli cumplexas e san profitar da quai per chapir (p.ex. temp dals verbs, verbs modals frequents, conjuncziuns per motivar, pronoms possessivs e reflexivs).