LE2GR.3
Discurrer
A
Discurrer en in dialog
1
Las scolaras ed ils scolars san sa participar a differents discurs (davart temas specifics, davart temas estetics, en il mintgadi da scola, cun persunas che discurran englais).
renviaments
LE2GR.3.A.1
Las scolaras ed ils scolars ...
2
a
- san - cun pleds dal tuttafatg simpels - entrar en contact e communitgar (p.ex. sa salidar, prender cumià, engraziar, empustar insatge).
b
- san communitgar a moda simpla en situaziuns enconuschentas, sche las interlocuturas ed ils interlocuturs prendan resguard e gidan (p.ex. gieu, temp liber, scola).
- san tschentar dumondas simplas davart temas enconuschents e respunder cun singuls pleds, cun singulas expressiuns u en curtas frasas (p.ex. temp, stadi da sanadad, colur).
c
- san - cun simpels pleds - barattar e dumandar infurmaziuns en situaziuns da mintgadi (p.ex. gieus da rollas, lavur en gruppa).
- san tschentar e respunder dumondas simplas davart temas enconuschents, dir curtamain insatge en chaussa u reagir sin quai ch'è vegnì ditg (p.ex. instrucziun, cumpra).
3
d
- san dar simplas explicaziuns davart temas enconuschents e reagir sin quai (p.ex. declerar insatge; controllar, sch'ins ha chapì).
- san tschentar e respunder dumondas davart activitads da mintgadi (p.ex. temp liber, viadis, instrucziun).
- san communitgar, sch'els èn perencletgs u sch'els vulessan plitost insatge auter (p.ex. proposta, cunvegna).
- san dumandar in plaschair a persunas da confidenza e reagir sin giavischs (p.ex. emprestar insatge, exprimer in giavisch).
e
- san - a moda simpla - barattar infurmaziuns davart temas enconuschents (p.ex. moda, film, musica).
- san dir lur parairi e san dumandar l'opiniun d'autras persunas (p.ex. discussiun, intervista, lavur en gruppa).
- san argumentar lur atgna tenuta en discussiuns u tar decisiuns, far propostas e commentar curtamain l'opiniun d'autras persunas (p.ex. lavur da project, tscherna da lectura, debatta).
- san far simpels discurs per telefon.
f
- san discutar pli ditg cun uffants da la medema vegliadetgna davart lur interess cuminaivels, sche quels uffants sa stentan da sa chapir vicendaivlamain.
- san tschentar dumondas spontanas davart eveniments spezials u davart aventuras spezialas (p.ex. vacanzas, festa, accident).
- san reclamar en situaziuns da mintgadi (p.ex. in product defect).