LE2GR.2
Leger
A
Leger e chapir texts
1
Las scolaras ed ils scolars san leger e chapir differents texts (texts da diever, texts estetics, texts dal mintgadi da scola, discurs en il contact cun persunas che discurran englais).
renviaments
LE2GR.2.A.1
Las scolaras ed ils scolars ...
2
a
- san chapir singulas expressiuns cun agid d'illustraziuns (p.ex. flyer, rebus, rima).
- san chattar e chapir infurmaziuns fundamentalas (p.ex. lieu, data, temp) en material d'infurmaziun u en infurmaziuns fitg simplas (p.ex. tavla, placat, charta postala).
- san chapir instrucziuns curtas che sa repetan (p.ex. en il med d'instrucziun).
b
- san chapir texts simpels e curts cun agid d'illustraziuns (p.ex. rebus, comic).
- san prelevar las constataziuns fundamentalas da material d'infurmaziun (p.ex. purschida, pretsch en in text da reclama).
- san chapir communicaziuns simplas e curtas (p.ex. SMS, invitaziun, instrucziun da lavur).
c
- san chapir a moda fitg generala in'istorgia curta e cun ina structura clera, sch'il tema è enconuschent (p.ex. acziun, figuras u acturs ils pli impurtants).
- san prender infurmaziuns fundamentalas or da texts curts cun ina clera structura davart temas enconuschents (p.ex. glista, recept da cuschinar, purtret, limeric).
- san chapir communicaziuns concretas en novitads persunalas simplas (p.ex. e-mail, chat).
3
d
- san chapir l'infurmaziun principala u singulas infurmaziuns en texts cun ina structura clera, sch'il tema è enconuschent (p.ex. istorgia, reportascha, prescripziun).
- san suandar simplas instrucziuns curtas, sch'ils pass èn illustrads (p.ex. experiment, gieu, recept).
- san chapir simpels texts persunals davart chaussas enconuschentas (p.ex. brev, blog).
e
- san chapir texts da differenta lunghezza davart temas ch'als interessan (p.ex. text litterar simplifitgà, discussiun d'in cudesch, reportascha).
- san prelevar infurmaziuns impurtantas da remartgas cun ina structura clera (p.ex. instrucziun da diever).
- san chapir las constataziuns principalas en texts nuncumplitgads davart temas ch'als interessan u davart ils quals els han enconuschientschas preliminaras (p.ex. rapport da viadi, correspundenza).
f
- san chapir essenzialmain texts, sch'il tema als è enconuschent (p.ex. extract d'in cudesch per la giuventetgna, text d'ina chanzun, text da diever nuncumplitgà).
- san suandar instrucziuns cleras a scrit (p.ex. project d'emprender, instrucziun da diever d'apparats, gieu).
- san enconuscher l'opiniun u la tenuta ch'è la basa d'in simpel text argumentativ (p.ex. cuntegn d'in blog).