LE2GR.1
Tadlar
A
Tadlar e chapir texts monologics e dialogics
1
Las scolaras ed ils scolars san chapir differents texts auditivs e discurs (texts da diever, texts estetics, texts en il mintgadi da scola, discurs en il contact cun persunas che discurran englais).
renviaments
LE2GR.1.A.1
Las scolaras ed ils scolars ...
2
a
- san chapir pleds ch'als èn enconuschents, infurmaziuns fitg simplas, lezias e pensums simpels ed instrucziuns simplas, sch'i vegn discurrì cler e sche illustraziuns u gesticulaziuns gidan latiers (p.ex. rima, chanzun d'uffants, instrucziun).
- san chapir expressiuns simplas e frequentas e dumondas simplas davart l'atgna persuna (p.ex. num, adressa).
b
- san sa far in'idea dal cuntegn da texts simpels e curts, sch'ils texts vegnan sustegnids cun illustraziuns u cun gesticulaziuns (p.ex. film da dissegns animads, scena da teater, chanzun).
- san prender infurmaziuns fundamentalas or da texts simpels e curts, sch'i vegn discurrì plaun, cler e cun pausas (p.ex. instrucziun da gieu, pitschen experiment).
- san chapir discurs curts davart temas enconuschents, sch'i vegn discurrì plaun e cler (p.ex. scola, famiglia, temp liber).
c
- san chapir las infurmaziuns principalas pertutgant temas enconuschents en texts simpels e curts, sch'i vegn discurrì plaun e cler (p.ex. istorgia).
- san chapir l'infurmaziun principala u singulas infurmaziuns en communicaziuns curtas, simplas e cleras (p.ex. previsiun da l'aura, resultat da sport).
- san chapir infurmaziuns simplas pertutgant temas enconuschents en communicaziuns curtas, sch'i vegn discurrì plaun e cler (p.ex. descripziun d'ina via).
3
d
- san chapir da tge ch'i sa tracta en contribuziuns davart temas enconuschents, sch'i vegn discurrì plaun e cler (p.ex. referat, reportascha, scena da film).
- san chapir communicaziuns, instrucziuns e decleraziuns simplas (p.ex. instrucziun per in experiment, simpla instrucziun da diever), ch'als vegnan dadas persunalmain.
- san per il pli chapir da tge ch'i sa tracta en discurs pli lungs davart temas ch'als èn enconuschents, sch'i vegn discurrì cler (p.ex. intervista, discurs per telefon, inscunter persunal).
e
- san chapir a moda fitg generala discurs e texts pli lungs davart temas ch'als èn enconuschents (p.ex. disciplina da sport d'aventura, artitgel da marca), sch'i vegn discurrì plaun e cler u sche tschertas passaschas pon vegnir tadladas pliras giadas (p.ex. cudesch auditiv, discussiun, emissiun televisiva).
- san udir infurmaziuns impurtantas or da texts pli lungs davart temas ch'als èn enconuschents, sch'i vegn discurrì relativamain plaun e cler (p.ex. novitad, intervista, referat).
f
- san chapir tut en tut il cuntegn da discurs e da texts pli lungs ch'als interessan, sch'i vegn discurrì cler (p.ex. reportascha, discussiun, dialog en in film).
- san chapir exactamain instrucziuns detagliadas (p.ex. instrucziun da gieu).
- san chapir texts cun ina structura clera e nuncumplitgada davart temas ch'èn tant enavant enconuschents (p.ex. preschentaziun, cudesch auditiv).