Plan d'instrucziun 21

R.6

Litteratura e cultura en il focus

Savida davart cultura rumantscha

Las scolaras ed ils scolars enconuschan las particularitads da lur atgna cultura, las stiman e vegnan sensibilisads per la diversitad intraculturala.

renviaments

R.6.D.1

Las scolaras ed ils scolars ...

san s'occupar cun chanzuns, versets, tschaveras ed usits tipics da l'atgna regiun rumantscha.

enconuschan tratgs tipics da l'architectura ed ovras artisticas da l'atgna regiun rumantscha.

chapeschan la muntada, vesan l'impurtanza da l'ierta culturala rumantscha (p. ex. chanzuns, usits, art) e la san cumparegliar cun l'ierta da culturas vischinas.
san s'occupar da la cultura actuala rumantscha (p. ex. scena da musica, paginas d'internet).
san ch'i dat differentas instituziuns che dovran, promovan e tgiran la lingua rumantscha (p. ex. Lia Rumantscha, DRG, RTR, ANR).
san ch'i dat differents idioms e rumantsch grischun e san en tge regiuns ch'ils idioms vegnan discurrids.
san en tge domenas che rumantsch grischun vegn duvrà.
enconuschan paginas d'internet da la cultura rumantscha.

san numnar persunalitads e fatgs ch'èn centrals per il svilup e l'istorgia dal rumantsch.
vesan la preschientscha e muntada dal rumantsch en nums da persunas e lieus.
enconuschan chanzuns, versets, tschaveras ed usits tipics dad autras regiuns rumantschas.