R.6
Litteratura e cultura en il focus
B
Savida davart geners, furmas da texts, auturAs e lur ovras
1
Ils scolars e las scolaras enconuschan tratgs essenzials da furmas da texts e da geners litterars. Els enconuschan singulas auturas ed auturs ed intginas da lur ovras e san metter lur savida en connex cun il temp.
renviaments
R.6.B.1
Las scolaras ed ils scolars ...
1
a
- san vegnir attents cun agid a singuls tratgs d'istorgias sco l'entschatta e la fin e cuntegns tipics.
- san ch'ils texts litterars èn vegnids scrits dad auturas u auturs.
b
- enconuschan historias da differentas auturas e da differents auturs.
- san attribuir exempels tipics (p. ex. da cudeschs da maletgs) als geners da las paraulas, dals comics, da las poesias, da las engiavineras e da las chanzuns.
- enconuschan en contexts tipics singuls tratgs da differents geners (p. ex. l'entschatta e la fin d'ina paraula).
2
c
- san s'occupar da singulas auturas u singuls auturs rumantschs impurtants ed intginas da lur ovras principalas.
d
- san metter en relaziun il text e la biografia da l'autur.
- san numnar singuls tratgs tipics dal cuntegn, da la furma e da la lingua da texts narrativs (p. ex. paraula, ditga, fabla, raquint, comic), texts lirics (p. ex. tact, strofa, refrain) e dramatics (p. ex. gieu auditiv, film).
e
- san s'occupar d'istorgias da differents temps.
3
f
- san numnar impurtants auturs e lur ovras e chapeschan lur muntada per la lingua e cultura rumantscha.
- san numnar tratgs tipics da cuntegn, furma e lingua da texts narrativs (p. ex. istorgia, roman) e da texts lirics (p. ex. ballada) e san chattar e marcar quests tratgs tipics en texts.
g
- san numnar differentas ovras d'auturas ed auturs da differents temps ed als metter parzialmain en relaziun cun lur temp.
- enconuschan ils geners epica, lirica e dramatica e san mussar e explitgar tratgs e differenzas tipicas.