Plan d'instrucziun 21

R.4

Scriver

Process da scriver: surlavurar il cuntegn

Las scolaras ed ils scolars san surlavurar tematicamain lur text areguard la finamira da scriver e las directivas.

renviaments

R.4.E.1

Las scolaras ed ils scolars ...

san discutar singulas malsegirtads da cuntegn, sche la persuna d'instrucziun fa attent a las passaschas correpundentas.

san vegnir cunscients en furmas d'emprender cooperativas da singuls aspects positivs ed irregularitads da l'agen text (p. ex. conferenzas da scriver, resun).

san per part sa metter en la posiziun dal lectur (p. ex. cun dumondas directivas, muster da pensar).

san surlavurar singuls puncts ch'èn gia vegnids discutads ordavant en lur texts davant il monitur u sin palpiri en situaziuns cooperativas cun agid da criteris.
vesan cun agid da criteris aspects positivs sco era irregularitads areguard lur finamira da scriver e san chattar alternativas (p. ex. pleds, formulaziuns, structura, successiun).

san durant la discussiun da lur texts era sa metter en la posiziun dal lectur e sche necessari integrar meds supplementars per structurar il text (p. ex. titel, alinea, enumeraziun).

vegnan cunscients en situaziuns cooperativas (p. ex. en conferenzas da scriver davant il monitur u sin palpiri) dad aspects positivs ed irregularitads areguard lur finamira da scriver e lur directivas e san cun meds auxiliars chattar alternativas (p. ex. pledari u internet).
san applitgar independentamain singuls da quests process da lavur, sch'els procedan pass per pass.
san adattar tenor il cuntegn documents d'annunzia cun sustegn (p. ex. persuna d'instrucziun, singulas parts dal text) a la situaziun d'annunzia.

san applitgar e reflectar a moda independenta singuls da quels process da surlavurar sin palpiri u al computer per chattar pussaivladads co surlavurar il cuntegn.
san en process da surlavurar applitgar a moda intenziunada meds per manar il lectur per ch'ins possia leger il text pli tgunsch (p. ex. transiziun, represa).