R.2
Leger
D
Reflexiun davart il cumportament da leger
R.2.D.1
Las scolaras ed ils scolars ...
1
a
- san cun instrucziun e cun agid da dumondas intenziunadas sa barattar cun auters davart la lectura.
- san cun agid da dumondas intenziunadas sa barattar davart lur interess da leger e san uschia reflectar lur lectura elegida.
b
- san dar resuns in a l'auter quant bain ch'els (pre)legian, cun instrucziun ed agids adattads da giuditgar.
2
c
- san cun instrucziun reflectar davart las strategias da leger ch'els han duvrà (p. ex. avair la survista, marcar, notizia a l'ur).
- san cun instrucziun reflectar co ch'els han chapì in text e sa barattar davart lur chapientscha da text.
- san descriver sut tge cundiziuns ch'els legian in cudesch e co ch'els san s'approfundar en il leger.
- san descriver co ch'il leger als enritgescha era ordvart il temp d'instrucziun e co che quai schlargia lur orizont.
3
d
- san cun agid da dumondas descriver co ch'els han applitgà ina strategia da leger enconuschenta e co ch'els la san meglierar.
- san descriver cun agid da dumondas pertge ch'igl ha dà problems da chapir il text e tge conclusiuns ch'els tiran or da quai.
- san sa barattar davart ils interess da leger ch'els han e san argumentar lur schelta da lectura.
e
- san explitgar pertge ch'els han elegì quella strategia da leger.
- san reflectar nua ch'igl ha dà problems da chapir il text e co ch'els savessan adattar lur strategia da leger.
- san reflectar co ch'els han chapì in text e tge infurmaziuns ch'èn spezialmain relevantas per lur finamira da leger (p. ex infurmaziuns per ina preschentaziun).
- san argumentar co ch'els han chapì in text cun sa referir directamain al text ed uschia sa barattar independentamain cun auters davart il legì.