Plan d'instrucziun 21

R.1

Tadlar

Reflexiun davart il cumportament da tadlar

Las scolaras ed ils scolars san reflectar lur cumportament ed interess da tadlar.

renviaments

R.1.D.1

Las scolaras ed ils scolars ...

san sa barattar cun instrucziun e cun agid da dumondas concretas davart il raquintà.
san sa barattar davart in discurs e lur cumportament da discurs cun agid da dumondas concretas.

san identifitgar facturs da disturbi en ina situaziun da discurs ed als resguardar durant il tadlar (p. ex. canera, pronunzia malarticulada).

san cun agid da dumondas directivas descriver tge strategias da tadlar ch'els applitgeschan per chapir il tadlà (p.ex. tadlar in text en purziuns, leger la dumondas avant il tadlar).
san cun agid sa barattar davart l'effect ch'ina contribuziun da discurs ha sin els.

san valitar cun agid da dumondas l'atgna chapientscha ed il cuntegn.
san cun agid da dumondas descriver nua ch'igl ha dà problems durant il tadlar e co ch'els pon adattar lur strategias dal tadlar (p. ex. far notizias).
san cun sustegn descriver tge che po facilitar il tadlar (p. ex. sa preparar en connex cun il tema, cun la persuna u cun la situaziun da discurs, dumandar suenter).
san cun instrucziun reflectar l'agen cumportament da tadlar per trair conclusiuns per il proxim discurs.

san reflectar co ch'els han chapì in text auditiv, in film u ina contribuziun da discurs e tge infurmaziuns ch'èn spezialmain relevantas per cuntanscher lur finamira.
san confirmar lur chapientscha davart ina contribuziun da discurs.
san reflectar davart l'expressivitad differenta dad arguments preschentads.