R.1
Tadlar
C
Chapir texts dialogics
R.1.C.1
Las scolaras ed ils scolars ...
1
a
- san suandar in discurs famigliar e mussar lur participaziun activa.
b
- san suandar discurs e mussar lur participaziun activa a moda nonverbala (p. ex. mimica, lingua dal corp), paraverbala (p. ex. intunaziun) e verbala (cun pleds).
- san memorisar cuntegns impurtants d'in discurs.
- san sa participar ad in discurs e san per gronda part resguardar las reglas da discurs correspundentas (p. ex. tadlar cun attenziun, laschar discurrer a fin).
c
- san percepir l'atmosfera en situaziuns da communicaziun famigliaras (p. ex. offensiun emoziunala, consternaziun, ravgia, gritta, plaschair).
- san suandar contribuziuns da discurs e memorisar l'impurtant.
- san dumandar suenter, sch'els n'han betg chapì insatge en il discurs.
2
d
- san mantegnair l'attenziun en in discurs pli lung e s'integrar a moda adattada.
- chapeschan discurs pli lungs uschè bain, ch'els san resumar lur cuntegn.
e
- san suandar differents discurs pli lungs e mussar lur participaziun activa a moda nonverbala, paraverbala e verbala (tadlar cun attenziun).
- san valitar situaziuns da communicaziun famigliaras, las intenziuns dals pledaders e l'effect emoziunal dal tadlà.
- san tschentar dumondas precisas en discurs, sch'els vulan savair insatge a moda pli exacta. Els san uschia engrondir lur stgazi da pleds.
- san sa participar ad in discurs e resguardar per gronda part las reglas da discurs correspundentas (p. ex. tadlar cun attenziun, laschar discurrer a fin).
f
- san valitar il cumportament da discurs dals auters en situaziuns, nua ch'i vala da chattar in consens u en situaziuns da conflict e reagir a moda adequata.
3
g
- san valitar en discussiuns u debattas pli lungas il cumportament e la strategia da discurs dals auters e san reagir a moda adattada cun atgnas contribuziuns.
- san tschentar dumondas precisas en discurs per pretender in'argumentaziun.
- san s'adattar a la persuna e la situaziun en in discurs cun persunas nunenconuschentas e percepir differentas infurmaziuns u pretensiuns (p. ex. discurs da preschentaziun, fufragnadi).
h
- san percepir las atgnas emoziuns e quellas dals auters en situaziuns da conflict e las tematisar en il discurs.
- san resumar differentas contribuziuns da discurs, uschia ch'ils elements essenzials da l'entir discurs vegnan pli clers.
- san integrar a moda cunscienta signals nonverbals e paraverbals per far valair l'atgna intenziun.