NUS.1
Identitad, corp, sanadad - s'enconuscher ed avair quità da sasez
2
Las scolaras ed ils scolars san surpigliar cunresponsabladad per lur sanadad e per lur bainesser e san sa proteger cunter privels.
Sanadad e bainesser
NUS.1.2
Las scolaras ed ils scolars ...
1
a
- san descriver lur bainesser subjectiv e colliar quel cun experientschas (p.ex. situaziuns da plaschair, activitad, calma, cuntentientscha).
b
- san sa proteger cunter privels ed enconuschan mesiras da protecziun correspundentas (p.ex. en il traffic sin via, en cas da violenza en scola, tar lavurs manualas).
- san numnar acts dischagreabels e nunvulids vi da lur corp e sa cunfinar envers tals (p.ex. dir da na, dumandar agid).
2
c
- san percorscher en situaziuns concretas (p.ex. dal mintgadi, d'istorgias, da films) il grad dal bainesser ed il stadi da sanadad d'umans.
- enconuschan pussaivladads per mantegnair la sanadad e per rinforzar il bainesser (p.ex. moviment, durmir, nutriment, tgira dal corp, amicizias).
d
- san percorscher abus sexuals (p.ex. indecenzas linguisticas, egliadas taxantas, contacts corporals, gests) e violenza sexuala, san, co ch'els pon sa defender cunter quai e nua ch'els pon dumandar agid.
e
- enconuschan mesiras preventivas per mantegnair la sanadad e san applitgar quellas (p.ex. mesiras d'igiena, tgira dal corp, nutriment, moviment).
f
- san descriver las caracteristicas da dependenzas e da toxicomanias e numnar pussaivladads da prevenziun.
- Impressum
- Agid
- Davart il Plan d'instrucziun 21
- La CDEP-T
- Plan d'instrucziun 21 · 29.2.2016