NUS.2
Explorar e mantegnair animals, plantas e spazis da viver
6
Las scolaras ed ils scolars san giuditgar las influenzas da l'uman sin la natira e reflectar davart in svilup persistent.
renviaments
Relaziuns natira - uman
NUS.2.6
Las scolaras ed ils scolars ...
1
a
- san percepir e descriver atgnas relaziuns tar spazis da viver, plantas ed animals (p.ex. tgira, relaziun, stima, respect).
b
- san contemplar, observar, descriver spazis da viver artifizials e rapportar davart atgnas enconuschientschas ed experientschas (p.ex. animals a chasa, en il zoo).
c
- san cumparegliar spazis da viver natirals cun spazis da viver artifizials, descriver differenzas e reflectar en quest connex davart la situaziun da vita da plantas e d'animals.
d
- san surpigliar incumbensas e conresponsabladad per cultivar plantas e per tegnair animals da cumpagnia (p.ex. tegnair animals e cultivar plantas en la scola).
2
e
- san explorar en spazis da viver da la regiun, nua ch'els abitan, e documentar, co che umans furman, utiliseschan e midan la moda da viver ed il spazi da viver da plantas e d'animals.
f
- san cumparegliar las atgnas modas d'agir e da sa cumportar (p.ex. en il contact cun animals da chasa, tar activitads da temp liber en il guaud, sper ed en l'aua) cun ils basegns da viver da plantas e d'animals e valitar quai.
g
- san descriver e cumparegliar differentas relaziuns e modas da sa cumportar d'umans envers plantas, animals e spazis da viver natirals e contemplar quai or da differentas perspectivas.
- san applitgar reglas da protecziun e da cumportament envers plantas ed animals. reglas per proteger animals, plantas protegidas, cumportament en territoris per la protecziun da la natira
h
- san reflectar davart il niz da plantas e d'animals per l'uman (niz economic, estetic, per la sanadad e per il bainesser).
- san giuditgar consequenzas pussaivlas da las influenzas da l'uman sin la natira, san cumbinar enconuschientschas latiers e san reflectar davart las atgnas modas da sa cumportar e d'agir.
- Impressum
- Agid
- Davart il Plan d'instrucziun 21
- La CDEP-T
- Plan d'instrucziun 21 · 29.2.2016