NUS.6
Lavur, producziun e consum - s'occupar da situaziuns respectivas
4
Las scolaras ed ils scolars san examinar relaziuns da barat e distinguer reglas economicas simplas.
renviaments
Rollas e reglas dal cumprar, barattar, vender
NUS.6.4
Las scolaras ed ils scolars ...
1
a
- san barattar chaussas (p.ex. en il gieu, bursas da barat), scuvrir interess divergents da cumpraders e vendiders sco era descriver andament ed acziuns tar il barat da rauba resp. servetschs per daners.
b
- exploreschan relaziuns da barat (p.ex. sin il martgà emnil, en il supermartgà, en la butia d'in bain puril) e san identifitgar reglas e lur impurtanza (p.ex. purschida, dumonda, rauba per daners, conflicts d'interess, cooperaziun dals partenaris da barat). martgà da rauba, daners
c
- san declerar caracteristicas da meds da barat (p.ex. desiderà, stgars, purziunabel, conservabel, stget) e la funcziun da daners en fatschentas da barat.
2
d
- san vender rauba (p.ex. per in project da scola) e planisar, realisar e reflectar davart il process tenor puntgs da vista economics (p.ex. custs da cumpra, custs da material, dumbers dals tocs, pretsch da vendita, reclama, marscha dal gudogn).
e
- san intercurir vi d'exempels dal mintgadi co ch'ils pretschs sa furman e sa midan (p.ex. purschida gronda-pretsch bass, purschida pitschna-pretsch aut).
f
- enconuschan ils tratgs fundamentals dal model dal ciclus economic simpel. barat da rauba, forza da lavur e daners tranter interpresas e chasadas
g
- san identifitgar il commerzi sco liom tranter producziun e consum.
h
- san identifitgar a maun d'exempels (p.ex. visita d'ina interpresa agricula, interpresa commerziala, rapport en las medias) reglas e connexs economics simpels (p.ex. custs da producziun, qualitad, pretsch da vendita).
- Impressum
- Agid
- Davart il Plan d'instrucziun 21
- La CDEP-T
- Plan d'instrucziun 21 · 29.2.2016